بعد غياب 5 سنوات وبعد قصة وبعد طلاق من زواج استمر 20 عاما، وإنجاب 5 أولاد، جمع برنامج "بصراجة مع" غادة عادل ومجدي الهواري من جديد في مواجهة عرضت على قناة MBC وتصدرت حديث الناس الساعات الماضية حيث استعاد الثنائي فيها ذكرياتهم وأهم المواقف التي حدثت معهم.
يقول مجدي أن آخر لقاء كان في عيد ميلاد غادة، بينما قالت غادة أن آخر لقاء بنفس وضع الجلوس كان في مكتب مجدي الهواري ووصفته غادة بــ"اليوم المشؤوم".
واستعاد الثنائي ذكرياتهم في البدايات منذ قيام مجدي الهواري باكتشاف ودعم غادة عادل في بداية مشوارها رغم إنتقاد الكثير له واتهامه بأنه قام بفرضها على الفن.
غادة بدورها لم تنكر وقوفه بجوارها وخوفه عليها لكنه إذا تكرها لتأخذ الفرصة في العروض التي عرضت عليها فربما كانت سرعت بنجوميتها، مؤكدة أنها تحاول مؤخرا أن تقوم بذلك الأمر.
وتابعت أن خوف مجدي عليها كان يجعلها تتراجع عن ذلك لكنها كانت ترى أن ذلك الأمر سيجعلها أنضج وهذا ما حدث مع بنات من جيلها وأصغر منها: "أنت يا مجدي عملت حاجة واحدة إنك كنت مؤمن بيّا، بس كان عندك مشكلة إنك تحدد الأعمال حسب ارتياحك النفسي بسبب حبك وغيرتك عليا، خلتني مش عارفة أطلع اللي جوايا أنت كنت بتكتم جوايا الجرأة.."
وبرر مجدي الهواري حديث غادة قائلا أنه أحب المحافظة عليها وبناء تاريخ جيد، لترد غادة : "الأفلام اللي عملتها زمان بشوفها ببقى عاوزة أعيط".
وكان رد مجدي: "والباشا تلميذ" فقالت غادة: "الباشا كان له ظروف وأنا كنت عاوزة أسيب التلميذ وشقة مصر الجديدة أنا أعتذرت عنه وأنت أجبرتني أنت دايما بتحب تشوفني البريئة الكيوت بس أنا ممثلة ولازم أعمل أدوار صعبة وأنت كنت خايف عليا أني أعمل دور صعب فأنت مكونتش واثق فيا".
ومن الذكريات إلى الحياة الشخصية، قالت غادة عادل لمجدي: "متنكرش أني قربتكم لبعض أنت والأولاد أوعى تنكر"، ليرد مجدي: "طبعا خدنا وقتنا والسنة اللي فيها الكورونا كمان قربنا من بعض أكتر وكنا بنتعامل مع بعص بشكل مباشر مش عن طريقك أو طريق مها فكنت مني ليهم وده كان حاجة كويسة جدا".
وتابعت : "في عائلات بتتأثر بالطلاق بس أنا شايفة أن الموضوع ده فادنا كويس جدا وفاد عيالنا كويس جدا بقينا بنحترم أراء بعض أنت طول الوقت كنت حاسس أنك أب لينا وأنا مكونتش عارفة أتعامل مع الأولاد ومكنتش عارفة أبقى مستريحة فكنت مكبوتة ومش عارفة أعبر عن اللي جوايا والأولاد كانوا بيشوفونا بنتخانق كتير جدا وأنت كنت برضه فترات بتختفي من الحياة وبتروح وبتغيب ومش عارفة عنك حاجة وكنت بقعد أدور عليك".
ودفاعًا عن نفسه رد مجدي: "في حاجات صعبة طبعا مننكرش بس كنت واخدك أنك بنتي فأنا ربيتك فحسيت أنه أنت لما جيتي مصر مكونتيش فاهمة الحياة فخدت على عاتقي أنك تبقي فاهمة الحياة"والحب بزيادة والعاطفة الزيادة فمش بيبقى عاوزه يغلط".
وأضاف مجدي: "أحنا اتجوزنا صغيرين جدا في عمر ولادنا دلوقت فأنا لو ابني جه قالي عاوز أتجوز هقوله لا لأن الشخصية اللي بتتجوز صغيرة بتحصل تغييرات في الشخصية فلازم أكون في سن الشخص اللي قدامك بيتغير وأحنا قصة حياتنا مفشلتش أحنا فضلنا متجوزين لمدة 20 سنة".
وفاجئت غادة مجدي الهواري بسؤال: "متجوزتش ليه يا مجدي بعد الطلاق؟" فرد عليها قائلا: "هو أنا مجنون بصي هقولك على حاجة أنا عندي شروط في الجواز التاني ممكن أي راجل في الدنيا يبقى عنده الخبرة من علاقة الزواج لأنه بيكون كبر هل هي هتبقى متقبلة أني لسه بحبك حتى لو الحب مشي" فقاطعته غادة قائلة: "الحب ممشيش أنت لو مش غالي عندي وأبو ولادي هاجي أقعد معاك النهاردة ليه؟" وسألته غادة: "هتضايق لو أنا أتجوزت؟" ليرد عليها: "والله أنت حرة" لترد عليه غادة: "ولادك مش راضيين أنا متجوزة 4 من بعدك".
وعن هروب غادة من الذكريات فقالت: "الماضي أنتهى خلاص مبحبش أتكلم في الماضي"، وتبكي غادة قائلة: "أنا مش بحب الذكريات أصله خلاص عدت فأنا مش ببقى فاكرة نفسي وأنا فيها فببقى شايفة نفسي حد بيحطني تحت ضغط".
وعن إمكانية العودة فجاوب الثنائي على ذلك الأمر وقال مجدي: "لا أحد يعلم" وقالت غادة: "مش سهل أوي كده الموضوع".
