مجدداً تعود منة عرفة لتتصدر حديث الناس والتساؤلات حول ما حدث بينها وبين محمود مهدي . ففي مساء أمس ، عرضت حلقة برنامج "سابع سما" لراغدة شلهوب مع منة عرفة، والتي تحدثت فيها منة عن حياتها و أمور أخرى للمرة الأولى من بينها أسباب انفصالها من زوجها محمود مهدي.
ويبدو أن المرحلة الماضية صعبة جدًا خاصة الانفصال حديث بين شخصين جمعتهم علاقة قوية والتي علقت عليها "انت لو ربيتي قطة والقطة دي تعبت أو ماتت هتزعلي عليها ما بالك شخص في بينكم تفاصيل كتير أكيد أنا زعلانة ولكن يعني على فكرة أنا بحبه جدا وبكن له كل الحب والإحترام".
وعن فترة زواج منة عرفة فكان من المفترض اكمال السنة في 15 إبريل المقبل، والطلاق لم يتم في أول مرة بل كان انفصال، أما عن الطلاق في المرة الثانية فهو مؤكد وهم مازالوا في إجراءات الطلاق بسبب بعض التفاصيل بينهما وعلاقة بيزنس تجمع بين الأهالي.
وعن إمكانية رجوعهم مرة أخرى فقالت : "فكرة الرجوع دي حاجة بتاعة ربنا اللي ربنا كاتبه هو اللي هيكون ولكن أنا جوه نفسي أنا مش بكرهه أبدا على فكرة بالعكس ده شخص عشت معاه حاجات كتير أوي". أما عن التغير الذي حدث في حياتها فقالت: "حسيت إن أنا أتغيرت أوي حاسة أني فعلا كبرت فجأة مش عارف ده بسبب المسؤوليات اللي اتحطيت فيها ولا ايه؟ بس على فكرة من وأنا صغير وأنا شايلة المسؤولية مسؤولية شغل وياريت الناس تفصل ومينفعش ناخد حد بذنب حد مينفعش تكوني انت بجوزك".
وتابعت منة عرفة: "هو محمود إنفعالي أنا علشان أنا في الميديا من وأنا صغيرة أتعلمت أن في حاجات مينفعش أرد فيها أتعلمت إني أحتفظ برأي لنفسي أتعلمت أن مش كل حاجة ينفع تتقال أتعلمت الحاجاتدي من كتر ما أتلدعت من الناس فهمت الموضوع محمود عفوي أوي وفي ناس كانت بتبعتلي ودول أكتر ناس ضايقوني دول كنت قاعدة في إكتئاب بسببهم فكانت بتبعتلي هو انت إزاى متقفيش جنب جوزك انت إزاى ملتزمة الصمت مين قال إني مدافعتش مين قال إني مسعتش لغير ده مين قال؟ انتم متعرفوش وعلى فكرة أنا مش مضطرة ومش عاوزة أثبت لحد إني كويسة وعلى فكرة الناس متعرفش 5% من الحياة اللي أنا فيها بس السنة دي كانت كلها محاولات مني ومنه".
وعن قرار الطلاق فقالت أنهم اتخذوه سوياً وتحدثت عن التغيير الذي يحدث بعد الزواج : "فجأة أصبحت الحياة ليست مثل البدايات، والناس متعرفش التفاصيل سواء مضادات الإكتئاب أو في حاجات أستغفر الله العظيم مثل الإنتحار أنتم تعرفوا أنتم متعرفوش ووصلت للمرحلة دي بسبب الضغط".
