كشفت نيللي كريم، خلال لقائها في برنامج "واحد من الناس" مع عمرو الليثي على قناة "الحياة"، عن نجاتها من مرض في الوجه كانت تداعياته ستكون خطيرة عليها.
وخلال الحلقة سأل عمرو الليثي، نيللي كريم "عن رحلتك مع المرض اللي خلتك تعملي عملية جراحية خطيرة في أميركا السنة اللي فاتت والحمدلله ربنا شفاكي"، فأجابت نيللي "الحمدلله هي حاجة حصلت فعلاً وجالي ورم في وشي وعملت عملية من خلال ودني، اتخضيت وكنت قلقانة وروحت لاكتر من دكتور وواحد منهم قللي ممكن تتشلي بس هترجعي تاني بس هتخدي سنة، وفي اميركا الدكتور قللي لا حتكوني كويسة، وكنت بفكر في شغلي وجالتي افكار اني مش همثل تاني، ربنا لطف".
وعن الدرس الذي تعلمته من هذه التجربة، قالت نيللي "الدرس ان احنا معرضين كل يوم، ومحدش عارف ايه مستنينا كل يوم يعني لازم يكون عندنا حالة من الرضى".
