الهجوم الكبير الذي تعرض له ياسين أحمد السقا خلال شهر رمضان، وبالتحديد مع بدء عرض مشاهده في مسلسل "سيد الناس" لعمرو سعد، جعل أغلب التعليقات تشير إلى أنه يمثل بفضل والده.
رد ياسين على هذه التعليقات من خلال بوست نشره عبر حسابه على إنستغرام، وقال فيه: "أولاً، أريد أن أقول لكم عيد سعيد، ويا رب يكون خير عليكم وعلى كل حبايبكم، وعلينا جميعًا. كنت أرغب في نشر هذا البوست منذ فترة، لكن كنت أفكر فيما أكتبه... هناك أشخاص زعلوا من منشور نشرته منذ أيام واتهجمت عليه كثيرًا، وللأسف، هناك من زعل مني".
وأضاف ياسين: "واللي في بالي دول بعتذر لهم لأن في ناس فعلا بتنتقد باحترام حتى لو الدور مكنش كبير و مش مفهوم أوي من الجمهور أنا متقبل ده تماما وداخل المسلسل و عارف ده و فيه الحمد لله اللي فهموا الدور واللهجة والكلام المكسر ده عشان طارق عايش طول عمره في لندن، الأغلبيه من الناس اللي هما فاكرين نفسهم نقاد كانوا بيستخدمون الشتائم و بيتنمروا و بيجيبوا سيرة والدي ووالدتي بمجرد بس ان والدي احمد السقا".
وأكمل حديثه قائلا: "في ناس مجرد أن ده والدي و ليه ناس مش بتحبه شخصيا لازم يشتموني ويجيبه سيرة الأم و الأب و حتى يدعوا عليا بالموت و كان في كثير منهم. احب أقول للمحترمين اني بعتذر على المنشور اللي نشرته بتاع الأسد و ده مش موجه ليكم أبدا... و للحاقدين... ربنا يهديكم و أنا هنجح وهتشوفوا ان اللي خلف مامتش".
وكان أحمد السقا كشف عن رأيه في تمثيل ابنه ياسين، وذلك في برنامج "حبر سري" مع أسما إبراهيم، قائلا: "كل اللي أملكه إني علمت ابني كويس، ابني درس إخراج وتمثيل ومونتاج وصوت وكل حاجة لها علاقة بالصناعة إنما محدش يقدر يفرض حد على الناس لما إن شاء الله يقف على رجله ويثبت للناس إن يستحق ساعتها يبقى جدير إني أنا أقف جنبه وشغلي يقف جنبه وشفتله مشهد واحد من سيد الناس وعجبني".
وشارك ياسين في رمضان بمسلسل "سيد الناس" مع عمرو سعد، أحمد رزق، أحمد زاهر، ريم مصطفى، إلهام شاهين وغيرهم من الفنانين ومن إخراج محمد سامي.
