بعدما أثار فستان نجلاء بدر الجدل في الدورة الأخيرة لمهرجان الجونة السينمائي التي أقيمت في العام 2021، ها هو الفستان يعود إلى الواجهة من جديد وهذه المرة بتصميم مشابه من قبل المصمم العالمي ديفيد كوما ضمن مجموعة ربيع وصيف 2023 التي كشف عنها الأسبوع الماضي ضمن أسبوع الموضة في لندن.
تمرازا أفضل مصممة مصرية
وبعد عرض الفستان في أسبوع الموضة مؤخراً، شاركت نجلاء بدر صورة للفستان الذي ارتدته في مهرجان الجونة وصورة لتصميم ديفيد كوما، وعلقت عليه "Temraza السابقون وديفيد كوما اللاحقون"، وتابعت بما معناه "تمرازا أفضل مصممة أزياء مصرية"، وأضافت "ديفيد كوما ينسخ فستان من تصميم فريده تمرازا بعد مرور سنتين".
وفي حديث لـET بالعربي، فوجئت فريدة تمرازا بالتصميم المطابق لتصميمها من قبل مصمم عالمي، وقالت "أنا تفاجأت لما لقيت كذا حد بعتلي الصورة ان بصي لحقي دا عامل زي فستان تمرازا، أنا الفستان ده كان من مجموعة Evolution of the Eye Collection لعام 2021، تفاجأت بصورة الفستان من براند عالمية لسه أصدرت المجموعة بتاعتها في أسبوع الموضة في اليومين اللي فاتوا".
مفاجأة كبيرة
وتابعت لافتةً إلى الجدل الذي أثاره الفستان، وقالت: "طبعاً كانت مفاجأة كبيرة لأن الفستان ده، حقيقي أثار الجدل، قعد شهور الصحافة والاعلام والبرامج الحوارية والناس تتكلم عنه، وصل لدرجة من كتر ما الفستان كان شكله مختلف تقلد في الأسواق المصرية والنهاردة أهو لاقيينه بيتقلد من إحدى البراندات العالمية، وفي أسبوع موضة عالمي".
ولفتت إلى أنها تعمل على اختراع الموضة، مضيفةً "أنا لما أجي أعمل الكولكشن بعملها ثلاث سنين قبلها يعني الكولكشن بتاعت 2021 بتترسم في 2018، فبالتالي بيبقى مش متأثرة بالموضة الحالية، فبتعملي أفكار مختلفة وجديدة ودي الطريقة الي أنا اتبعتها من أول ما فتحت تمرازا من عشر سنين"، معتبرةً أن المصريين عادوا بقوة في أسبوع الموضة من خلال هذا التصميم الذي قام بتقليده ديفيد كوما.
التقليد مش حاجة وحشة
وعبّرت عن فرحتها بردود فعل رواد مواقع التواصل الاجتماعي الذي أكدوا بأنهم سيسترجعون حقوق تمرازا من هذا التصميم المقلد، وقالت "أنا فرحانة جداً من الحركة المعمولة"، معتبرةً أن "التقليد ده مش معناه حاجة وحشة معناه حاجة حلوة وشهادة أعتز بيها في الحقيقة".
عن ردة فعل نجلاء بدر بعد رؤيتها للتصميم، علقت فريدا تمرازا قائلةً "أول ما شافت الصورة، وهي الصراحة بقالنا سنة كاملة ومن ساعة ما الفستان هي نزلت بيه في الجونة ومصر كلها شافته ومصر كلها اتكلمت عنه وأنا بلاقي وهي برضه صورة لفساتين شبيهة لفستان الجونة، لكن الفستان ده بقى كسبهم كلهم"، وتوضح "لأن الفرق الوحيد من ناحية التطريز وناحية التطريز الموجودة في المجموعة متكونة من مونوغرام بتاع تمرازا، اللوغو بتاع تمرازا وما فيش ولا براند حتاخدوا وتقلده".
الناس باركت لي بالفستان
وتحدثت عن الفستان الذي صممته ضمن مجموعة متكاملة وشاملة تضم تصاميم متنوعة ومختلفة تناسب كافة الأذواق، معتبرةً "أن هذه هي المجموعة الصح، فده كان إحدى الفساتين اللي معمولة انها تبقى مختلفة وده شيء أساسي في أي كولكشن لازم يبقى موجود، ان لازم يبقى في قطعة مختلفة".
وتابعت "كل الناس اللي بعتتلي أيام الجدل الذي أثير حول الفستان كانت بتباركلي، أنا ما شفتش الانتقادات اللي كنت بشوفها في السوشيال ميديا.. ما حدش جيه وقالي فريدة الفستان كان فيه واحد اتنين وتلاتة..هو التكنيك بتاعه الفستان قصته، لعبته وفكرته في قصته، قصته هي المختلفة وقصته هي اللي صعبة وقصته هي اللي تحتاج حد محترف في الـHaute Couture وده تمرازا قدرت تثبته على مرور السنين".
