بعد غياب استمر 25 عامًا عن التعاون مع عمرو دياب، عاد إيهاب عبدالواحد للعمل معه من خلال أغنية الألوان، التي حققت تفاعلًا وضجة منذ طرحها ضمن ألبوم حبيتِك، ليكشف عن تفاصيل عودة التعاون بينهما ورؤيته للحالة الموسيقية التي قدمها عمرو دياب من خلالها.
هذا الفيديو غير متاح في بلدك
وقال إيهاب عبدالواحد لـ ET بالعربي: بقالنا 25 سنة مشتغلناش مع بعض، وكان فيه كذا محاولة بس مكنتش بتوفق معاه، لحد ما ربنا كرمنا ونزلنا كسرنا الدنيا.
إيهاب عبدالواحد: الألوان تمثل الجديد
وعن أغنية الألوان، يرى إيهاب عبدالواحد أنها تعكس حرص عمرو دياب الدائم على تقديم أفكار وحالات موسيقية جديدة، موضحًا: أغنية الألوان إنتاج جديد، هو الجديد دايمًا بيعمل كده.
وأضاف: عشان كده في مقولة بتتقال عن عمرو دياب، أول ما بينزل ألبوم أنت مبتحبوش ليه؟ لأنه دايمًا بيدور على الجديد، فهتلاقي إن الجديد غريب.
الأغنية لازم تكون صادمة
وأشار إيهاب عبدالواحد إلى أن تقديم الجديد قد يواجه في البداية حالة من الاستغراب، قائلًا: زي ما مثلًا لما الموضة بتتغير إيه اللي بيحصل؟ بيقولك هما لابسين كده ليه؟ الولاد بنطلونات مقطعة إزاي؟
وتابع: فطبعًا الأغنية لازم تكون صادمة وفيها حاجة جديدة، الموضوع لازم يكون متكلمناش فيه قبل كده.
إيهاب عبدالواحد: الألوان هتعلم أكتر مع الناس
وأكد إيهاب عبدالواحد اعتزازه بشكل خاص بأغنية الألوان، متوقعًا أن يزداد حضورها وتأثيرها مع الوقت، قائلًا: أنا بحترم الأغنية دي بالذات لأنها هتعلم أكتر مع الناس، الأغنية عملت ضجة وفيها فكر حلو ولحن حلو وقريبة لقلبك هتحبها.
