بحماس واضح وطاقة مختلفة، فتحت بيسان إسماعيل كواليس تصوير أغنيتها الـSingle الجديدة “نجمة” أمام كاميرا ET بالعربي، في عمل يحمل بصمة متجددة ويعكس انتقالها إلى مرحلة أكثر جرأة وحركة على المستوى الفني.
وخلال التصوير، رحّبت بيسان بفريق ET بالعربي قائلة: “ET بالعربي love you so much، شكراً لوجودكم هون اليوم بالكواليس… يلا الحقوني على التصوير تعالوا.”
عمل راقص بروح مختلفة
وكما في كل كليب جديد، رافق ET بالعربي بيسان في كواليس “نجمة”، حيث كشفت عن رغبتها القديمة بتقديم عمل يعتمد على الرقص، بعد سلسلة أغنيات طغى عليها الإحساس.
وقالت بيسان: “هي حركة جميلة، بترقص… حابة كنت من زمان أعمل شي فيه رقص لأنو أغانيي كلها إحساس، فهالمرة قلت خلص خلينا نولعها.”
اسم الأغنية… حيرة وخيارات كثيرة
وعن اسم الأغنية، أوضحت بيسان أن القرار لم يكن سهلاً، ومرّ بعدة مراحل من التفكير: “اسم الأغنية إجا بعد تفكير طويل وoptions كتير من الأسماء، يعني ممكن نجمك عالي، ممكن نجمة بالسماء… محتارة بهالكم اسم، لسه ما اخترت بالضبط أي واحد، بس شي هيك.”
وعندما سُئلت إن كانت تشعر بأنها “نجمة في السماء”، جاء ردّها بعفوية: “يس، ما عملت غنيتي نجمة بالسماء فأكيد بحس حالي نجمة بالسماء.”
بين الثقة والغرور
وعن ردود فعل الجمهور المحتملة، خصوصاً من قد يصف هذا التصريح بالغرور، كانت بيسان واضحة وصريحة: “لا شوفي، في فرق بين الغرور وبين الثقة. أنا إنسانة الحمد لله ثقتي بحالي عالية وبعرف قيمة حالي منيح، بس مو مغرورة. أنا واثقة من حالي وعارفة شو عم أعمل، مشان هيك… بس مو مغرورة، أنا والله كيوت.”
إطلالات Funky ومكياج Pop
وليتماشى الشكل مع أجواء الأغنية الراقصة، ظهرت بيسان بأكثر من إطلالة Funky وCasual، مع اعتماد مكياج بألوان Pop لافتة.
وقالت عن أحد اللوكّات: “حلو الـPink صح؟ قد إيه حلو… أنا حبيت أعمل شي Funky هالمرة.”
تجدد التعاون الفني
“نجمة” تشهد أيضاً تجدد التعاون للمرة الثالثة مع الموزع فؤاد جنيد، ومع المخرج عبدالوهاب خطيب الذي تحدث عن خصوصية هذا العمل قائلاً: “بس هيدي المرة بيسان سينغل لحالها، هي أول مرة. عم نعمل شي لبيسان كثير غريب… عملنا لها شي مع Dance شيك، ألوان، أفكار حلوة، إضاءة حلوة، مود غريب لبيسان غير مود كل شي عملته قبل.”
