بأول عمل فني يجمعهم بعد إرتباطهم طرح الثنائي ليلى أحمد زاهر وهشام جمال أغنية جديدة بعنوان "أمور بسيطة" وذلك على طريقة الفيديو كليب بالذكاء الاصطناعي.
الأغنية من كلمات هشام جمال ومحمد إبراهيم، الحان هشام جمال، توزيع مادي، فكرة وإخراج هشام جمال.
وكتبوا عن الأغنية على قناة يوتيوب:"من ساعه ظهور الذكاء الاصطناعى وانبهار الناس بقدراته والحاجات اللي ممكن يعملها ولكن لان التقنيه دي لسه في بدايتها ف كان بيقابل صناع الاعمال دي عربيا وعالميا حدود معينه ميقدروش يعدوها لسه، ومنها مثلا ان الذكاء الاصطناعي في الكليبات الغنائيه مشكله دايما اه بيغير ملامح وش المغني وبالتالي بيعتبر مش موجود في الفيديو".
وأضافوا:"احنا قدرنا الحمد لله وبالتعاون مع أحد الشركات العالمية المتخصصة في الذكاء الاصطناعي في أوروبا أننا نعمل أول فيديو كليب -في العالم العربي وغالبا في العالم- بكواليتي مرضيه و بدون تغيير ملامح وشوش المغنيين، شكرا لكل الناس اللي تعبت معايا في التجربه وان شاء الله التجارب الجايه هيحصل تطور اكبر بكتير ".
وكان هشام جمال روج للأغنية، قبل طرحها فنشر بوستر الأغنية وعلق عليها:"بعد ساعة بالظبط إن شاء الله هتشوفوا حاجة جديدة جدا بقالنا فتره كبيره شغالين عليها، بس يارب متربطوش بين اللي هتشوفوه وبين علاقتنا في الحقيقة".
