بعد رحيل سهام جلال، واجه عدد من الفنانين هجوم كبير عبر السوشيال ميديا، وذلك بسبب عدم مساعدتهم لها قبل وفاتها، وذلك بعد تداول لها عدد من الفيديوهات تشكو أنها تحدثت مع أحمد السقا وأمير كرارة ولم يردوا عليها.
والهجوم فقط لم يكن من الجمهور على السوشيال ميديا، فهاجمت راندا البحيري أمير كرارة، وكتبت عبر الفيسبوك: "طالع دلوقتي يقول أصلها اتصلت على نمرة غلط، ودي مش نمرتي ياريتك ما رديت ولا اتكلمت مع أنها في البرنامج، قدامنا كلنا قالت رد عليَ وقالها عينيا يا سوسو، وقالت بعدها بطل يرد على التليفون خالص"، ولكنها تراجعت واعتذرت بعدها عن ما كتبته وقالت: "أنا مسحت البوست اللي قولت فيه إن سهام طلبت من أمير شغل لان بالفعل أنا شوفت بعيني حالاً رسايل سهام و أمير كراره لبعض و بالفعل مكانتش تعرف نمرته و مكانش فيه بينهم اي تاريخ من الرسايل إلا بعد حلقة ياسمين عز أنا هنا مش بكذّب حد ولا بصدق على كلام حد.. الميت له حرمه و اللي عايش كمان حقه لازم يتصان .. امير مفيش له اي رسايل ولا اي كلام مع سهام الله يرحمها و يحسن اليها قبل برنامج ياسمين عز كل الاحترام و الحب ل امير و دعواتي و حبي و احترامي ل شخص سهام و اتمنى لها جنات الخلد اللهم امين".
وردا على حالة الجدل التي حدثت فقال أمير كرارة في تصريح لــ ET بالعربي: " اللي بيحصل ده عبط مش عارف ليه يعيدو نشر حاجة زي دي وهجوم عليا غريب هي بنفسها وضحت قبل رحيلها.. أنا مركز في شغلي وفي حالي اتمنى الناس تتحرى الدقة، دكتور أشرف زكي نقيب المهن التمثيلية وضح امبارح.. حتى راندا البحيري كانت مهاجماني.. نزلت بوست اعتذار لما دكتور أشرف تواصل معاها، اتمنى الناس تتحرى الدقة قبل النشر".
سهام جلال للتذكير كانت قد قالت في لقاء سابق أنها تواصلت مع أمير كرارة لمساعدتها في عودتها للفن، لكن تفاجأت بعدم الرد على اتصالاتها، لكن بعد تلك التصريحات عادت سهام جلال واعتذرت وقالت: أخويا وعشرة عمري مش أنا الشخصية اللي بتعيب في زمايلها أو أصحابها، ومش ده التريند اللي يشرفني.. أمير كرارة أخ وزميل.
وكانت سهام جلال رحلت عن عالمنا منذ عدة أيام متأثرة بوعكة صحية أدت إلى دخولها إلى العمليات وتوفت أثناء خضوعها للعملية، وسهام سعيد جلال ممثلة مصرية بدأت مشوارها الفني من خلال الإعلانات، قبل أن يلفت حضورها الأنظار في فيلم النمس. وشكلت مشاركتها في فيلم صعيدي في الجامعة الأمريكية محطة مهمة في مسيرتها الفنية.
