وسط تعرض إلهام شاهين للانتقادات على منصات التواصل الإجتماعي، بسبب فيديو قديم لها تتحدث فيه عن الصلاة والعمل... ردت الهام عبر ETبالعربي على الهجوم، قائلة: "لا أنشغل بما يقولوه، هكذا سأعطيهم أهمية، لأنها حملة إخوانية واضحة".
وأضافت: "واضح إني تعباهم و مشغولين بيا و بآرائي جدا، و إسمي بيبيع بالنسبه لهم، هم شاغلين نفسهم بيا بزيادة، أما أنا لا يشغلوني مطلقا".
الهام شاهين : آرائي تخصني لا أفرضها على أحد
وتابعت:"أنا مش شاغلة بالي خالص بالسوشيال ميديا و الناس اللي بتتسلى ، ده عالم وهمي بالنسبه لي، و عارفة إن ليّ أعداء و عارفة الأسباب، و فب النهايه الكلاب تنبح و القافله تسير ، و آرائي تخصني لا أفرضها على أحد".
إلهام شاهين: أقول لهؤلاء المرضى موتوا بغيظكم
وأضافت: "و كده كده حتى لو ماليش رأي سيختلقوا كلام و يدعوا إني قلته عشان يهاجموني، ناس تافهة و عايزة تتسلى، أو ناس حاقدة و كارهة لأن شخصيتي تعباهم أو كايداهم أو مجنناهم، كل يوم قصص و حواديت على إلهام شاهين، لا تهمني و لا تشغلني، و أقول لهؤلاء المرضى موتوا بغيظكم".
وتعجبت إلهام من انتشار الفيديو في الوقت الحالي، رغم أنه مرّ عليه وقت طويل، قائلة:"و الموضوع ده من فترة، هرجع أتكلم عنه الآن".
وكانت إلهام قالت خلال الفيديو: "اشتغلت مع أحد المخرجين، كان راجل طبيعي جدًا عادي، فجأة تدين بشكل غريب جدًا، في كل آذان يسيب التصوير والكاميرا دايرة ويسيب الممثلين، لا وكمان ياخد كل العمال معاه وينزل يصلي، خلص المشهد الأول وفي الأوضة بتاعتك وصلي لكن تعطل الاستديو كله، ده عمرنا ما كنا بنشوفه، مش توقف الشغل علشان ميعاد الصلاة".
