تغريدة متعلقة باللاجئين السوريين كتبتها إليسا عبر تويتر، كانت كفيلة بحدوث مشادة كلامية بينها وبين الجمهور الرافض لتغريدتها، وأصالة نفسها التي أبدت رأيها حول ما كتبته إليسا.
وفي التفاصيل، كتبت إليسا عبر تويتر تغريدة جاء فيها: " حبي لوطني ومصلحة وطني مدعاة فخري، وما بحياتي قللت احترام مع اي شعب، فكيف بالأحرى الشعب العربي لِ بنتمي إلو؟ما بعتقد بكون عم هين حدا لما طالب بعودتو لوطنو، لأنو وطن الإنسان كرامتو. لأني بحبكن بتمنى ترجعوا كلكن لأوطانكن".
وفي تغريدة ثانية قالت إليسا "الحقيقة غريبة الناس كتير.. كيف الإنسان بيلغي كل شي حلو ويركز عا شي أصلا فاهمو غلط! على العموم مش مشكلتي.. ".
من جهتها، ردت أصالة على كلام إليسا بتغريدة قالت فيها: "كلنا بالأرض لاجئين وماحدا بيملك أي مكان بأيّ أرض كلنا زوّار مهما طالت زيارتنا بدّنا نرحم بعض لأنّه مافي شي عم يرحمنا الدّنيي صعبه وظروف الناس صعبه وماحدا حاطط فوق راسه خيمه واللي اليوم مُتاح بكره مابنعرف لو ممكن وكفايه نتجزّأ حلّنا مرّه وحده نتوحّد.
وفي تغريدتها الثانية، كتبت "نختلف بالآراء مابيعني نزعل من بعض، وإليسا حبيبتي ورفيقتي، ووارد بين الأصحاب الخلاف بالآراء وحتّى بالمبادئ".
