النجوم يشاركون ET بالعربي ذكرياتهم مع ستارز أون بورد

شارك عدد من أبرز النجوم ذكرياتهم وتجاربهم مع ستارز أون بورد Stars on Board في لقاء مع ET بالعربي، مؤكدين على متعة الرحلات وحيوية الأجواء التي تجمعهم مع الجمهور.

نسرين طافش قالت: "يوسف حرب أخ وصديق عزيز وقلبي، كثير بستمتع بالرحلة. الصبح سياحة والمسا حفلات، صدقاً الرحلة كلها من أول للآخر ممتعة وما بتزهق."

أما داليدا خليل فعبّرت: "كل شيء عشته بـ ستارز أون بورد Stars on Board له محل خاص بقلبي، بس هالمرة كثير Special لأنه بدبي لأول مرة الكل محمس والكل عم بيحس إنه فيه حدث مهم عم بيصير."

صابر الرباعي استذكر اللحظات الكوميدية: "لما رحنا الأثينا وقفنا على ميكونوس وكان لازم نلحق الـ tour كامل على المدينة، فكلنا كنا على أعصابنا وصرنا نركض. الذكريات هذه ممكن الناس ما تعرفهاش في الكواليس لكن فيها طرائف تصير."

سعود أبو سلطان تحدث عن صداقته الطويلة مع ملحم زين: "كنا بنفس الجامعة ونفس KJ1، وكل ما شوفه بكون فرحان فيه، وكلنا منكبر فيه. ملحم وانا صار فينا صداقة قوية خاصة بعد ما شاركنا ببرنامج سوبر ستار اللي أطلقنا للنجومية."

ملحم زين أضاف: "هاي سنة الـ23 سنة، عمر طويل أنا بعتز فيه كفنان وكصوت كبير. وإذا بدي احسب قديه ضحكنا مع يوسف حرب على مدار 22 سنة فيه شيء خمس مليون دولار إذا بدك تحسبهم مصاري."

وفي إطار التحضيرات لحفل دبي، كشف يوسف حرب: "هالمرة ستارز أون بورد Stars on Board ب Atlantis Resort، على البر، التحضيرات شيء مخيف الصراحة، نفس التحضيرات تبع رأس السنة، شيء حلو كثير إن شاء الله."

هبة نور قالت: "مبسوطة بالدعوة، دايماً متطور ومتجدد ودايماً بيبهرنا كل سنة عن سنة. بتقول ستارز أون بورد Stars on Board إنه خلص؟ لأ، بيطلع فيه أشياء جديدة، أماكن جديدة ونجوم جداد."

أما ليليا الأطرش فعبّرت عن حماسها: "للأسف بكل المرات السابقة ما كنت أقدر أحضر، هلق قررت وين ما كانوا، بالبحر، بالجو، بالأرض، وين ما كان بدي كون."

خلال الأيام الثلاثة المقبلة، سيكون الجمهور على موعد مع أجواء استثنائية تجمع نجوم كبار من العالم العربي، ضمن ليالي ستارز أون بورد Stars on Board بدبي، حيث المزج بين السياحة، الحفلات، واللحظات الحصرية للجمهور والنجوم.