تواصل ET بالعربي مع بسمة وهبة، بعد الحادثة التي تعرضت لها ليلة أمس قبل إستلام جائزتها في مهرجان الفضائيات العربية، حيث وقعت عليها "صينية عليها كبايات عصير"، مما أضطرها لتغيير فستانها.
وقالت بسمة لـ ET بالعربي "اللي حصل مش طبيعي شوية، لإني أخدت Shower عصير مانجا وفراولة، أنا لحد دلوقتي مش عارفة إن كان الـ Waiter وقعت منه هو أو في حد كان وراه علشان في قصص مختلفة، أولها طاولة شباب من غير المكرمين كانت ورانا وزقوه فوقع الصينية، وفي رواية إني قلت للـ Waiter مش عايزة عصير قام حط العصير وحدف الصينية عليا، وأنا بقول في الأول والأخر حتى لو البني أدمين دبرت لبعض، هو بأمر الله في الأخر، وممكن بقول إنو مش أذية ولعله خير".
وتابعت بسمة، "وبالنسبة للحصل بالصدفة كنت جايبة فستانين، فلما حصل اللي حصل لبست الفستان، وفي الأول وفي الأخر رغم إنه مش طبيعي والله أعلم لعله خير، وبفضل الله إستلمت الجائزة، والنهاردة عاملة دبح بفدي لأنه يمكن عين أو حسد، دبحت فدى لله سبحانه وتعالى ونازلة بنفسي أوزعهم في السيدة زينب".
