في أول ظهور لها بعد الزواج.. حرصت بشرى على أن تعلق على الشائعات المنتشرة عن أن زوجها خالد محمود حميدة أصغر منها بـ11 عاماً وكما كشفت كواليس تعارفهم على بعض.
وقالت بشرى، خلال لقاءها على قناة "dmc":" إحنا كنا زملاء في مدرسة واحدة، نعرف بعض من أيام المدرسة وأخوه كان مع أختي في الفصل وصديقها جدا زي أخوها، كل الناس اللي كانوا معانا في المدرسة كانوا عارفين هذه المعلومة وكان كتير منهم معزومين في الفرح، هو شخص أنا أعرفه من زمان جدا، والفنان الكبير محمود حميدة هو اللي مربيه لأن والده توفى لما هو اتولد، وحتى وإحنا في المدرسة اللي كان بيجي اجتماع أولياء الأمور على طول أستاذ محمود حميدة مع والدته السيدة مها".
وتابعت:"هو شخص ساب مصر لفترة طويلة، ولما ظهر من سنة ابتدينا نرجع نتكلم من واشتغلنا سوا والشغل جاب احتكاك وتعارف أكتر، وأنا مش باخد وقت كبير في قرار الجواز لأني معنديش رفاهية أفضل أعرف حد ويتحسب عليا،…”
وتابعت " أنا عارفة المجتمع اللي أنا عايشه فيه وأنا أم وعندي أولاد وست مشهورة ولازم أراعي الجزء دا، لما أعرف حد ويكون في ارتباط بفضل نمشي بشكل رسمي عشان أريح بالي من الصداع واحتراما لأمومتي وجمهوري، وفكرة انك تعد عليا الزيجات دى كوميدية بالنسبالى ودى الزيجة الثالثة بالنسبالى وأنا قدرية جدا، والأفضل أن أكون تكون ناجحة في الطلاق على أن أكون فاشلة في الزواج، وأنا لم أصل إلى عدد زيجات الفنانة تحية كاريوكا".
وأضافت:"وخالد شخصية مستقلة جدا عايش برا مصر، بيفكر بطريقة خارج الصندوق المعتاد هنا وشبه فكري، شبه فكري لأن أنا على قد ما أنا شرقية وبحترم المجتمع اللي أنا فيه لكن عندي أفكار غربية كتير عشان نشأتي زيه هو مواليد بريطانا زي حالاتي، وهو عملي وأنا ست عملية، هو شخص بيكره المدينة وبيحب يبعد عنها ويروح أماكن فيها طبيعة وإحنا شبه بعض في كدا، مجتهد وبتاع شغل وأنا كده".
