هجوم كبير تعرضت له عارفة عبد الرسول، بعد مشاركتها صورة على البحر بالمايوه.
عارفة عبدالرسول ردت على الإنتقادات من خلال ET بالعربي، فقالت: "أنا إسكندرانية وطول عمرنا بنلبس مايوه وبننزل البحر وعارفين البحر يعني مايوه وبننتقد الناس اللي بتيجي اسكندرية وبتنزل البحر ببنطلون والمايوه جزء من حياتنا".
وأضافت عارفة، "أنا استغربت من الناس اللي بتهاجم الصورة والصورة مفيش فيها حاجة وده مايوه له شورت وجيبه ولا قطعة واحدة ولا قطعتين ولا بوركيني ومغطي المناطق كلها، وربنا يهدي الناس كلها وكل اللي عوزاه من الناس كل واحد يبص في ورقته، ماحدش له دعوة بالتاني يعني إنت مالك، لما كلكم هتدخلوا الجنة مين هيدخل النار، سيبوني أنا أدخل النار".
