تواصل ET بالعربي مع شام الذهبي، إبنة أصالة نصري، وذلك بعد الصورة التي شاركتها عبر حسابها الرسمي على الإنستغرام، والتي جمعت فيها والدها أيمن الذهبي وزوجته مع أصالة وجميع إخوتها، حيث بارك لها ربيع هنيدي على الخطوة الجميلة التي قامت بها.
شام قالت لـ ET بالعربي، "أنا كتير بحب أهلي من ناحية إمي وأبي، وإنهم يجتمعوا مع بعض يوم جمعة حسيت بالمحبة كتير وكان أحلى يوم بحياتي"، وأضافت "أبي صراحه خطط للعزيمة كان حابب يعملي غذا وقال يا ريت إمك تيجي، كان كتير نفسه تيجي وما كنت مفكرة إنها تيجي، ولما قلتلها ما كنت متوقعة امي توافق، وخاصةً إنو قلتلها بتجي تشوفي تيتا شوشو هي تعبانة، وبالمناسبة بتمنى من الكل يدعيلها".
وعن إن ما كانت شام واجهت صعوبة بإقناع والديها بالإجتماع، قالت "لا ما كانت صعبة لأنه أنا إمي من زمان بتشجعني إتواصل مع أبي وأهله وتنمي هالعلاقة، هما مش اول مرة بيتاقبلوا تقابلوا قبل مع عمتي ومرته سهى وانجيلا، بالعيادة عندي، فالموضوع كان معمول بس مبارح اول يوم بنقضي سوا مع بعض".
وقالت شام خلال حديثها مع ET بالعربي. "أنا بحياتي قررت انه حياتي لازم يكون فيها رسالة للحب والسلام، لانه انا تربيت بظل مشاكل كتير من لما كنت صغيرة، وهاي الحروب والاشياء السلبية خلتني بدي اعمل اشياء غير، اسعى للمحبة وللصلح وللسلام، هذا هدفي بالحياة، يا رب تكون ماما متصالحة مع الكل وما بحب حد يزعل إمي إنت بتعرف منيح".
