في أعقاب حالة الجدل والحزن التي أثارتها واقعة “فتاة الإسكندرية” بسنت سليمان، وجّه ET بالعربي سؤالًا لتارا عماد حول أهمية دور الفن في تسليط الضوء على قضايا المرأة ودعمها.
وأجابت تارا عماد: "الله يرحمها يارب، طبعًا نفسي طول الوقت أبقى بعمل حاجات أكون حباها منها قضايا، أعمل أفلام أو مسلسلات، ممكن تبقى كوميدي أو رومانسية، ومن ضمنها تبقى حاجات مهمة جدًا إننا نسلط الضوء عليها، وإننا نتكلم عنها ونعرف الناس بيها".
وأضافت: "في قوانين كتير اتغيرت الفترة اللي فاتت دي بسبب إن المسلسلات اتكلمت في حاجات فعلًا أزمات ستات بيمروا بيها أو رجالة بيمروا بيها أو أطفال كمان، وده حلو وده مهم، ودي حاجة مش جديدة، دي بقالها سنين، بس بوجود السوشيال ميديا الوعي بيزيد وبينتشر أسرع بكتير من زمان وده شيء مهم نستخدمه".
واختتمت حديثها قائلة: "بس مش ده الهدف الأساسي بتاع الفن، الفن بيبسطنا وبيحسسنا إننا مش لوحدنا، وأنا مرة اتقالتلي جملة إن المشاهد مش بيدخل السينما عشان يتفرج على الناس، لكن عشان يتفرج على نفسه، يشوف نفسه في الشخصيات".
