أكد تامر حبيب خلال لقائه مع ET بالعربي، أن كافة الإستعدادات للبدء بتنفيذ المسلسل الإذاعي الرمضاني، big million، من بطولة آسر ياسين ونيللي كريم، أصبحت جاهزة، وقال "المسلسل متاخد عن المسلسل الأصلي بتاع بيج مليون، لكن مع تغييرات وانا خلصت كتابته ومبسوط اني اخدت الخطوة دي كان نفسي اعمل مسلسل إذاعي من زمان"، وكشف أنه هو من كتب تتر المسلسل الذي سيغنيه آسر ياسين ونيللي كريم، حيث بدأوا اليوم تسجيل أول حلقة، "وانا عندي دور فيه بمثله، وهو دور صديق آسر ياسين".
وعن مشاركته في مهرجان "مالمو" كعضو لجنة تحكيم، قال تامر حبيب لـ ET بالعربي، "الحقيقة كانت خبرة قوية اوي وكان فيه افلام كتير على مستوى كبير من الحرفية زي (الرجل الذي باع ظهره)، وكان معايا في لجنة التحكيم 4 ستات، ومكنش بينا خلافات وأظن أن النتيجة هتبقى مرضية للجميع".
وبالنسبة لما حصل مع عمرو يوسف، وتوقيف مسلسل "الملك"، قال تامر "أنا عمرو يوسف صاحبي وأنا هفضل معاه وشايف صاحبي تعب قد ايه، انا شاركت في هاشتاج مسلسل الملك ودعمته وكتير اوي من الفنانين الحقيقة مكنتش اعرف الدعم هيبقي بالشكل ده، وانا علاقتي بـ عمرو يوسف قوية وشايف ان الراجل ده بجد شايل حمل فوق حمله كممثل اوي وبيتحاسب على حاجات مش بتاعته"، وأضاف "رأيي اني من زمان ضد المنع وضد منع جميع أنواع الفنون لأن المفروض دي حرية ومحتوى متقدم والمشاهد يعجبه او لا لكن نمنع حاجة قبل عرضها ده غلط".
