"استاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا"، بهذه الكلمات علق تامر حسني من خلال بوست شاركه عبر حسابه الرسمي في إنستقرام، على كلام أحمد آدم عنه في برنامج "آدم شو" على قناة الحياة المصرية.
وتابع تامر بالقول، "اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه !!!!؟ تابعوا قلوب الناس و المواقع اللي هتاخد كلام الاستاذ احمد السلبي و ينشروه و علموا عليهم عشان تعرفوا حقيقته"، وأضاف تامر "الحقيقه ان فعلاً الكلام السلبي هو اللي انتشر،، شكراً استاذ احمد آدم لكلامك و اشادتك الحقيقيه في حقي هي شهاده عظيمه من فنان محترم و كبير بفنه و اخلاقه".
وكان أحمد آدم، قد تناول ظاهرة الترند في حلقة "آدم شو"، على قناة الحياة المصرية، حيث كشف عن رأيه في ظاهرة الترند مؤكداً أن أي هجوم سلبي أو شتيمة لأي شخصية عامة تحول صاحبها إلى ترند على مواقع التواصل الاجتماعي.
وقال آدم، "تعالوا نلعب لعبة، ونقدم مقطعين فيديو واحد إيجابي وواحد سلبي، ونشوف أي ترند اللي هينتشر وأراهنكم دلوقتي أن السلبي هينتشر"، وبدأ أحمد بالترند الإيجابي، مختاراً تامر حسني، حيث قال "كريتيف وبيعرف يطور من نفسه...وأنا شخصيًا بحب تامر حسني".
وقدم أحمد آدم نموذج للترند السلبي من خلال حديثه السلبي عن تامر، "تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره، وبيقدم شوية أغاني تعبانة ويعني إيه أكتر حاجة بحبها فيكي، طيبة قلبك، إسفاف، وأفلامه وحشة جداً".
