سلسلة من التعليقات على قضية سعد لمجرد كانت قد أعادت بسمة بوسيل مشاركتها حول رأي الناس بالقضية. من جهتها، كانت بسمة تعقب على المنشورات بوجهة نظرها، والتي وعلى ما يبدو أثارت الجدل بدعمها لسعد ودفعتها للرد على منتقديها.
في أحد ردود الفعل، وجهت ملك بغدادي الانتقادات لاستضافة بسمة كمتحدثة في حدث يدعم المرأة. الأمر الذي دفع بسمة بالرد : بالنسبة للأخت المحترمة اللي ربنا بعتهالي عشان تنور بصيرتي أحب أقولك إننا كمغاربة مش بندافع عنه وحتى لو مذنب لازم still يتحاكموا هما الاتنين محاكمة عادلة، و بعدين أنت مش ربنا عشان تمنعي عن حد رحمته، ارحموا من في الأرض يرحمكم من في السماء.
ثم عادت بسمه وعلقت :بقينا في زمن الشماتة والتنمر والحكم على ناس فيها اللي مكفيها من ابتلاء فضيلة، وإنك تدعي لحد في مصيبة بإن ربنا يهون عليه وينزل عليه الرحمة بالشكل اللي طبعا ربنا شايفه عادل.
ويبدو أن دفاع بسمة عن سعد لمجرد هذا قد أثار الغضب عند العديد ليقوموا بتوجيه الانتقادات لها بعد دعمها لسعد ما دفعها بالرد برسالة مطولة عبر ستوري آخر توضح فيه وجهة نظرها.
بسمة بوسيل ترد على منتقدي دفاعها عن سعد لمجرد
وجاء في الرسالة : مساء الخير ردا على سوء التفاهم اللي حدث بسبب آخر استوري مني، أنا أكيد ضد أي تحرش أو اغتصاب لأي سبب مهما كانت الظروف، ومقبلش على بناتي أو نفسي حاجة زي كده.
أنا كنت بتكلم على قصة واحد وواحدة هي نفسها اعترفت إنها طلعت معاه للأوضة لوحدها، فالمفروض دي حاجة تنافي عاداتنا وتقاليدنا وشايفين الرجل مذنب والست لا عشان مغربي وعشان فعلا دائما فيه عنصرية ضد العرب في البلدان الأوروبية وأكيد القضاء هياخد مجراه.
وتابعت : بشجع البنات وكل الستات بس بالعدل، وأنتي تقدري، أكيد تقدري تبقي مهنية أكثر وتدوري في أحداث القضية أكثر مش بس تلحقي الترند عشان تظهري، بس أهم حاجه من غير ما تحوري، وانسحابي كان بسبب إنني لا أتشرف بأن أكون جزء من برنامج لا يحترم حقوق الإنسان لأنه يحترم حقوق المرأة.
يذكر أن الحكم بحبس سعد 6 سنوات قد أصدر يوم الجمعة لإدانته باغتصاب فتاة فرنسية تُدعى "لورا بي" وضربها داخل فندق باريس، عام 2016. وأمامه 10 أيام لاستئناف الحكم.
