من جديد.. اشتعل الخلاف بين عمرو مصطفى و تامر حسين و عزيز الشافعي، على خلفية الهجوم الذي شنه عمرو على زملائه في الوسط الفني، والأخص الملحنين والشعراء، وذلك خلال أحد اللقاءات، قائلا:"مليش زمايل في الوسط الفني، ومفيش أغنية مسموعة السنة دي وحققت نجاح واللي بيتشغل معايا عشان ينجح وبس انت مين يبني انت حشرة".
ليرد تامر حسين عبر صفحته على فيسبوك، على عمرو مصطفى قائلاً:"رداً على فيديو المُلحن سليط اللسان قبيح القول، أنا فعلاً غلطت لما قُلت على المُحترمين المُبدعين مدين أو عزيز الشافعي زمايلك على أساس انك معانا ف الوسط وراجل كُنت ملحن كبير وعاقل".
وأضاف:"وحذرتك تتهم حد ناجح ومكسر الدنيا بالباطل والإفتراءت الكدابه اللى بتخترعها فى أى نجاح كبير يلتفت حواليه الناس و إنت لا ترتقى إنسانياً تبقى زميل ل واحد فيهم شتان فرق الأخلاق ده انا اللى بعتذرلهمُ على التشبيه الغير موفق مني ظلمُتهم ".
وتابع تامر حسين:"ثانياً لو جبت سيرتك بالخير ف أنا بعمل بأصلى فى اي لقاء واي برنامج وبتربيتى وب أقول عيب عنده أولاد كُبار يتشرفوا ب باباهم ماتردش الإساءه ب الإساءه معنديش فُجر الخصومه ولا حابقىّ مُتقلب الود زيك مع كل اللى أحسنوا إليك وساعدوك، عشان لما حد من الجمهور المحترم يشوفنى مايقولشى عليا قليل الأصل ونتساوىّ ف القُبح ودى أخر مرة حاغلط وأجيب سيرتك لانى ما بقيتش ب أتشرف بيها وب أتكسِف منها".
واستكمل :"الناس عارفه كويس وفاهمه مين فينا صادق ومين كداب بالمواقف والسنين والإحترام والتقدير، والحمد لله أنى ربنا أنعم عليا وخلانى شخص سوي و ب أعقل كلامى واحترم نفسي لا ف قلبى غل ولا حقد ولا ب أعترض، على اللى ربنا كاتبهُ ل زمايلي ببارك للجميع بقلب أبيض ماب أقللش من مجهودهم ونجاحهم، دى أخر رسالة تتقالك ب إحترام ال جى حابقىّ عداني العيب، إحترم سنك إحترم نفسك إحترم انك عندك أسرة مايصحش، يبقى cv من بعد ما كان نجاحات يبقى خِناقات وسيرة سيئة، لإن ماحدش حايسكُت لك تانى على أى تجاوز".
وعلق مدين على كلام تامر حسين، قائلا:"انا زمايلي هما الفنانين المحترمين قبل ابداعهم و نجاحهم غير كده ماليش زمايل, بعد كده يا تامر ماتظلمناش تاني"
بينما كتب عزيز الشافعي:"ريحة الشياط مش حلوة لو طالعه م المطبخ، لكن مسك و عنبر لما تطلع ف فيديو، مابتعرفش تعمل طرب انت غير ف الصياح بس ماشاء الله عليك".
