في الذكرى الثانية لانفجار مرفأ بيروت تفاعل عدد كبير من الجمهور و المشاهير على تويتر متمنين الأمن و السلام لبيروت ولبنان، وبظرف ساعات تصدّر هاشتاغ انفجار مرفأ بيروت الترند..
مشاعر الجميع اختلطت ما بين الحزن و الغضب على ما حصل و تلخّصت كلماتهم على تويتر بعدم نسيانهم لهذا اليوم، و ترحّمهم على الشهداء الذين راحوا ضحايا. فكتبت نانسي عجرم:"من سنتين لهلق 4 آب مش مجرد تاريخ... 4 آب جرح بقلب كل لبناني عم ينزف وبعمره ما بيطيب قبل ما العدالة تتحقق. العدالة لكل روح انخطفت عغفلة وكل دمعة إم نزلت بدون إذن وكل حسرة وحرقة قلب انفرضت على مدنيين ذنبن إنن أبرياء. ونحنا ناطرين العدالة! ومن هلق لوقتها لن ننسى".
أما إليسا فتذكرت الحادثة و قالت:"صعبة الذكرى ولو مرق عليها سنة وسنتين ومية. انفجار 4 آب هو اغتيال لبيروت. من بعد ما زهقوا من اغتيال الناس قرروا يقتلونا كلنا مرة واحدة، ويدمروا أجمل مدينة بالعالم. الله كبير وإلا ما يجي نهار نشوف العدالة يا رب".
و تمنّت نجوى كرم أن تحمي أرواح القديسين سماء لبنان فكتبت:"مش رح ننسى 4 آب .. الله يرحم الضحايا والشهداء يللي غادرونا على غفلة وأخدوا معن قلوبنا.. ومندعي حتى أرواح قدّيسينّا ترفرف فوق سما هالبلد... ويحفظوه من كلّ شرّ".
و كتبت نوال الزغبي:"من يوم 4 آب 2020 واللبناني عم بموت كل يوم.. ولاخر يوم بعمره رح يضل ناطر يعرف الحقيقة.. انفجار مرفأ بيروت اكبر جريمة ارتُكِبِت بحق شعب.. لن ننسى".
و استشهدت سيرين عبد النور بآية من كتاب الإنجيل وقالت:"ما في ابشع من الظلم ولا اقسى من انتظار الحقيقة تظهر سنتين قطعوا وبعدنا ناطرين ورح ننطر كل العمر وما رح ننسى (مين يلي اغتالنا مين يلي دمر بيروت مين عم بهجرنا ؟) فَلَيْسَ مَكْتُومٌ لَنْ يُسْتَعْلَنَ، وَلَا خَفِيٌّ لَنْ يُعْرَفَ".
بينما قامت ماغي بو غصن بوضع صورة عليها توقيت الانفجار وكتبت:"في تواريخ ما بتنتسى.. بتصير تواريخ حزن وغضب ونقمة.. بيروت 04.08.2020 الله يرحم كل الضحايا.. ويرحمنا كلنا". و وضعت هيفاء وهبي صورة لشمعة وكتبت في تغريدتها:"لأرواح ضحايا انفجار مرفأ بيروت".
و كتب عاصي الحلاني:"ان غابت عدالة الأرض لن تغيب عدالة السماء". وقال فارس كرم:"4 آب ذكرى حزينة ويوم مؤلم عند كل لبناني شريف". أمّا راغب علامة فأكّد على محاسبة المسؤولين عن هذا الانفجار وقال:"يا من كسرتم قلب بيروت عاصمة وطننا الجريح لبنان اعلموا أن عدالة السّماء أقوى من ظلم البشر، وأنه مهما طال الظلام فلا بدّ أن تُشرق شمس الحقّ والعدل. لن تنفعكم قوانينكم لتعطيل الحقيقة وستظلّ أرواح الأبرياء لعنة تُلاحقكم. ستُحاسبون وتعود بيروت ست الدنيا أغلى العواصم".
أمّا نادين نسيب نجيم التي تأذّت بشكل مباشر من هذه الحادثة فكتبت بحرقة:"ذكرى مؤلمة! مهما مرقت السنين هيدا النهار رح يضل محفور بقلوبنا …ولاد تيتمت …نساء ترملت…شباب ماتوا…الله يرحم كل يلي راحوا والله يحمي يلي نجوا. جواتي في امتنان وشكر ممزوجين بدموع وحزن لانه الله حمالي ولادي وساعدني وكتبلي عمر جديد تضل حدّن بس الغصّة بضلّ اكبر بكتير".
