بعد المداخلة التي قامت بها مؤخراً شيرين عبد الوهاب مع عمرو أديب والتي أكدت من خلالها أن الكلام الذي قاله حسام عن شقيقها محمد صحيح،حرص حسام بعدها على توجيه رسالة خاصة لشيرين.
فقال حسام حبيب لـ ETبالعربي:"أنا طبعا بشكرها أنها وضحت للناس إني كلامي صح، وكمان مبسوط جدا أنها طلعت اتكلمت، مش عشان اتكلمت عنى لا خالص، ولكن عشان طلعت وتحررت، لاني عارف الضغط النفسي اللي عليها عامل إزاي".
واضاف:"والله يكون في عونها، ومتعاطف معاها جدا جدا، وبدعيلها ربنا يكرمها ويوفقها ويعوضها عن كل اللي حصل، وإن شاء الله دي تكون بداية جديدة ليها فيها كل خير يارب"
وعن تداول أخبار مؤخراً تؤكد دخول شيرين عبد الوهاب إلى المصحة من جديد قال حسام حبيب لـ ET بالعربي :"كل دا كلام غلط، شيرين كويسة وزي الفل، هي بس حالتها النفسية وحشة بسبب اللي عملوا اخوها فيها".
وكانت شيرين عبد الوهاب، قدمت بلاغ رسمي في الساعات الماضية ضد شقيقها، تتهمه بسرقة صفحاتها على موقع التواصل الإجتماعي.
