أكثر من تغريدة شاركتها حمزة نمرة يتمنى فيها زيارة مقبرة والدته بالسعودية وقال: "الحاجة اللي كنت أتمنى أعملها وما عرفتش للأسف هي إني أزور قبر أمي الله يرحمها..ماتت من ٣٠ سنة ودفنت بالرياض وأنا كطفل ما اعرفش مكان القبر فين ولا أخواتي عشان كنا صغيرين.. وبما إن بابا توفى من شهر وشوية وهو الوحيد اللي كان عارف فين قبرها".
وعاد وغرد مرة أخرى وكتب: "حاولت والله وليا صديق عايش في الرياض حاول معايا. فيه خدمة رائعة تابعة لمحافظة الرياض تقدر تعرف بيها مكان قبر المتوفي لزيارته..لكن للأسف السجلات تبدأ من ١٤١٧ هجري وأمي متوفية قبل كده.. كنت أتمنى زيارتها لكن النصيب 💔 رحمة الله عليها".
وختم تغريداته كاتبا: "هي زارتني مرة في المنام في عز الكورونا وكانت بتكلمني في التليفون بتهزأني عشان مش واخد احتياطات كافية للوقاية من المرض.. وأنا باتحجج بأي حاجة وبأطمنها بأي كلمتين.. قمت من النوم بإحساس جميل افتقدته من سنوات إن أمك تقلق عليك..الله يرحمها ويحسن إليها ولعلني أزورها في المرة القادمة".
