"هتكلم معاكوا بجد شوية، فكرت كتير قبل مقلوكم عشان مكنتش عاوز ازعل اي حد بيحبني، بس حسيت ان ممكن تجربتى دى تبقى مفيدة"، هكذا كشف رامز أمير الإصابة التي تعرض لها أثناء قيامه بـ تمرين "الباركور" من خلال بوست على الإنستغرام، وتابع: "دى اصابة خطيرة حبيتين من تمرين الباركور كنت مخبيها عليكم و للأسف دى مش العملية الاولى بس ان شاء الله الأخيرة، بوقفة ربنا جنبى هوريكم ازاى ممكن تقع و تقوم تانى وتبقى اقوى من الاول، هكمل الطريق اللى وعدت نفسى بيه و هعملكم أكشن متعملش عندنا فى السينما قبل كده".
ولنطمإن على وضعه الصحي، تواصل ETبالعربي معه بعد خضوعه لعملية في قدمه، وقال : "بطمنكم الحمدلله خرجت من المستشفى والمفروض أقعد فترة في البيت أريح لغاية ما جرح العملية يقفل، وإن شاء الله ربنا يعدي الأيام دي على خير وبعد ما يلتئم الجرح هبتدي العلاج الطبيعي والتأهيل"
وأوضح رامز أمير عبر ET بالعربي تفاصيل الإصابة حيث أرفقها بصور للكسر ولحظة وجوده في المستشفى، وقال: "عايز أوضح للناس اللي سألوا على الإصابة هي قطع في الرباط الداخلي في الكاحل الشمال وكسر في الشظية في نفس الرجل ودي حصلتلي في التمرين أثناء قيامي بحركة معينة، عالجت الجزء المهم في الإصابة بالعملية الأولى، ودي العملية التانية عملتها علشان لازم أشيل حاجات كانت جوا وربنا يكرم في التأهيل وإدعولي".
