وقع نور النبوي في فخ رامز جلال في الحلقة 25 من برنامج "رامز إيلون مصر"، واستقبله رامز جلال بمقدمته الساخرة المعتادة وقال: "الفن حصله غزو من ولاد الفنانين من محمد إمام لأحمد السعدني ورانيا محمود ياسين، وهم صغيرين متسلط عليهم الفلاشات والنور، وصدق المثل اللي بيقول: "ابن الوز عوام"، واللي خلف مامتش، والسح الدح امبوه، الواد طالع لابوه، وأنك تكون ابن نجم كبير، هو سلاح ذو حدين، يا تقضي على نفسك وعلى تاريخ العيلة، ياما شقيت بي تاريخ النجومية وحلقت في سماء الإبداع، ومن أقوالي المأثورة: "يخلق من ضهر الأب تراجيدان وواد ظريف في ريحة كوميديا، بس للأسف تمثيله صايص ومحتاج شوية توابل على وحبهان، وبما أني كبير طبيخين اللذاذة، هعبيلك الوصفة في إزازة، معانا ومعاكم اللي الناس حبوه وما اعتمدش على أبوه، نور النبوي."
ومع بدأ المقلب، أخذ رامز جلال يوجه له مجموعة من الأسئلة من بينها عن:"أيه حكاية أنك بتتضايق عشان الناس بتقول أن أنت ابن خالد النبوي"، ليرد عليه، قائلا:"مش بضايق بس كل واحد وله كيانه، ومبضايقش نهائي أنا فخور به وفخر ليا، ومش هضايق تاني لو حد سألني على أبويا".
وعن جدل فسخ خطوبة نور إيهاب بسببه، وجه رامز جلال سؤال لنور النبوي:"هي فعلا نور إيهاب فسخت خطوبتها بسببك"، ليرد عليه نور النبوي:"لا بجد".
وتفاعل عدد كبير من المتابعين عبر "X" مع حلقة نور النبوي، فكتب أحد المتابعين:"عسل يارامز وربنا، بس نور النبوي محترم جدا، وشخصية جميلة، ونسخة من ابوه"، وقال آخر:"نور النبوي وجماله وأدبه، البيت المحترم بيكون ده".
قصة برنامج رامز إيلون مصر
في هذا الموسم، يقنع رامز جلال ضيوفه بأنهم جزء من لجنة تحكيم لبرنامج مقالب، ليجدوا أنفسهم في مغامرة غير متوقعة بمشاركة النجمة نوال الزغبي واللاعب محمد نور. ومن بين ضحايا هذا الموسم: أشرف بن شرقي، حسام حبيب، وغيرهم من النجوم.
موعد عرض برنامج رامز إيلون مصر
يعرض البرنامج يوميًا بعد الإفطار مباشرة على شاشة MBC مصر ومنصة شاهد.
