في الحلقة 29 من رامز إيلون مصر، وقع حسام حسن في فخ المقلب، حيث استقبله رامز قائلاً: "حلقة غير مسبوقة، صراع بين الخير والشر جوايا. الراجل ده مقصر في حقنا كلنا، هو الهداف التاريخي لمنتخب الساجدين، صاحب الهدف اللي صعدنا لمونديال 90، وكمان هو السبب في ضربة الجزاء اللي مجدي عبد الغني بيزلنا بيها لحد دلوقتي. النهارده هو شايل فوق راسه حلم المصريين في الصعود لكأس العالم. الراجل ده لو حصله حاجة، الدنيا هتتقلب على دماغي. علشان كده، قررت أحافظ على هيبته، ومش هدوس عليه، عشان هاني أبو ريدة ما يشمتش فيا. معانا اليوم عميد لاعبي العالم، حسام حسن."
و قرر رامز جلال عدم استكمال فقرات المقلب واستكفى فقط بربط حسام حسن في السرير. بعد ذلك، وجه له بعض الأسئلة الجريئة، حيث قال له: "ترشح لينا هاني أبو ريدة يجي؟"، ليجيب حسام حسن قائلاً: "ياريت يجي والله".
ثم طرح رامز سؤالًا آخر عن جدل عدم انضمام أحمد حجازي وإمام عاشور للمنتخب، قائلاً: "ليه الناس بتقول إن إمام عاشور وأحمد حجازي مش هينضموا للمنتخب طول ما أنت موجود؟"، ليرد حسام حسن: "لا طبعا، كل واحد على حسب مجهوده، وأحمد حجازي ممكن ينضم بس فرصته بنسبة 1%، أما إمام عاشور فرصته بنسبة 90%، بس أهم حاجة الجمهور يرضى عنه".
وعن انتقال زيزو للأهلي، سأل رامز جلال:"لو زيزو قالك أروح الأهلي ولا أفضل في الزمالك هتقوله أية"، ليرد عليه حسام حسن:"هقوله يطلع برا، بس لو جه للأهلي هيبقي كويس طبعا"، ليستكمل رامز جلال أسئلته، قائلا:"لية معلمتش زرع شعر زي إبراهيم أخوك؟"، ليرد عليه حسام حسن:"عشان الناس اتعودت على شكلي كدا".
ووجه رامز جلال سؤال آخر لحسام حسن قائلأ:"مين اللاعيب اللي نفسك تشوفه في المقلب ده؟"، ليرد عليه حسام حسن:"إمام عاشور عشان يعقل شوية"، وعن صفقة رجوع تريزيجيه للأهلي قال حسام حسن عنها:"حلو أوي وأكبر مكسب في 15 سنة للأهلي و تريزيجيه كمان، وعن أحلامه سأل رامز جلال حسام حسن :"بعد تدريب المنتخب حققت كل أحلامك ولا لسة نفسك تدرب الأهلي؟، ليرد عليه قائلا:"طبعا نفسي أدرب الأهلي".
وعن جدل دخول محمد صلاح في تعليمات المنتخب، سأل رامز جلال حسام حسن قائلا:"حسام حسن بيدي محمد صلاح تعليمات"، ليرد عليه:"طبعا بيأخد تعليمات وملتزم ومقالش عمر جابر ينضم للمنتخب، وأنا أهلاوي".
