بحضور الأصدقاء المقربين منها ومن دون علمها، فاجأ رامي رضوان زوجته دنيا سمير غانم يوم عيد ميلادها بالإحتفال بها بطريقة رائعة وادخال السعادة إلى قلبها بعد فترة طويلة من الحزن.
وشاركت دنيا سمير غانم صوراً من المفاجأة وتحدثت عنها معلقة: "رامي قال لي اننا خارجين نتعشي انا و هو بس عشان نحتفل ب عيد ميلادي لإني يومها كنت مسافرة و رحت لقيت كل أصحابي اللي انا بحبهم مستنيينا و كلهم حسيت في عنيهم اد ايه هم نفسهم أكون سعيدة .. شكرًا جدا لكل أصحابي و اخواتي .. ربنا يخليكوا ليا و شكرًا يا رامي يا حبيبي على المفاجأة الجميلة .. ربنا يحفظك و يسعدك و يخليك لينا ".
ومن ضمن الأصدقاء في هذه الليلة حضر كريم فهمي وزوجته،كريم محمود عبد العزيز وغيرهم.
وبمناسبة عيدها، كانت دنيا قد شاركت صوراً مع والديها الراحل سمير غانم والراحلة دلال عبد العزيز معلقة بطريقة حزينة جدا فكتبت:
"يا رب ارحمهم و صبرني علي فراقهم.. بجد الفراق ده صعب اوي.. كنت فاكرة ان لما الوقت بيعدي هتعود لكن للأسف الحياة مستمرة و بنروح و نيجي و نشتغل و نضحك لكن قلبي موجوع عليكوا اوي و وحشتوني اوي.. الدنيا مختلفة اوي من غير كوا".
