رسائل النجوم إلى زياد الرحباني ووالدته فيروز من مراسم العزاء

على مدار يومين، ظهرت السيدة فيروز لتقبّل التعازي بوفاة ابنها زياد الرحباني داخل كنيسة رقاد السيدة – المحيدثة في بكفيا، وسط أجواء يغلب عليها الصمت والرهبة، واكتظاظ لافت من أهل الفن والسياسة والإعلام.

ET بالعربي التقى عددًا من النجوم خلال مراسم العزاء، من بينهم إليسا، نجوى كرم، وليد توفيق، راغب علامة، عاصي الحلاني، لطيفة التونسية، وميريام فارس. وعبّروا بكلمات مؤثرة عن حزنهم الكبير على رحيل زياد، ووجّهوا رسائل صادقة للسيدة فيروز في هذه المحنة.

رسائل النجوم في عزاء زياد الرحباني اليوم 2

إليسا : “انكسرنا كلنا مع فيروز”

في البداية، قالت إليسا :"يعني الست فيروز ما بنشوفها… فقدت ابنها، ومعاد فكرت بالصورة اللي نحنا بنشوفها فيها، نحنا ما بنشوفها أصلًا، عم تلعب دور الأم اللي موجودة فيه.
الله يعطيها الصبر والله يطوّلنا عمرها، لأنه هيدي كسرة… نحنا زعلنا وانكسرنا، لأنه كل حدا عظيم بيروح، بتروح شقفة منا معه. وكيف عم نحكي عن زياد الرحباني؟ الله يعطيها الصبر يا رب، ولعيلته كمان."

أيضاً في ET بالعربي

كارول سماحة مفاجأة حفل إليسا.. وتحية إلى روح زياد الرحباني

نجوى كرم : "زياد حتى بموته عبقري"

أما نجوى كرم فقالت: "بدي أقول له إنه لبنان خسر عبقري، ونحنا مش بعصر عباقرة… يعني مش كل يوم بيولد عنا عبقري.
كنت بتمنى إنه يكون بحياته كتير كتير مقدّر. زياد الرحباني اليوم جمع كل لبنان… كل لبنان. يعني ناطرين لهيك نكسة لحتى يجتمع لبنان؟ يمكن موته قدر يجمعهم هيك. وبنحس إنه آخر شيء، ما بتستاهل هالحياة لنضل مخبطين ببعضنا ونتقاتل. زياد بكل عمره، حتى بموته، فيه عبقرية… لأنه جمعنا."

وعن السيدة فيروز قالت: "يا حبيبة قلبي، شو بدي أقول لك؟ يعني قلبي من جوّا كيف هو على هالأم العظيمة، هالأم الحزينة يلي ربنا قدّر لها بحياتها إنها تكون حزينة… وإن شاء الله بتكون خاتمة أحزانها. مش هينة إنه يموت ابنها بعد ما نكسات كبيرة بحياتها أكلتها."

وليد توفيق : "ما في زياد ثاني"

"الحبيب رحل… الحبيب.." هكذا بدأ كلمته وليد توفيق عن زياد الرحباني، وتابع: "بدي أعزّي طبعًا السيدة فيروز وعيلته كلها وجمهوره وحبايبه. وهيدا الحبيب الله يرحمه، خسارة كبيرة، لأنه عبقري… بعدني عم بقول لإليسا، حتى اللي بينتقدوه أوقات، بيحبوه. ما في زياد ثاني… ما في زياد. بطلب الرحمة له، مسكنه الجنة إن شاء الله يا رب. لكن حيضل معنا زياد… زياد مش حيروح.
بروحه، بأغانيه، بالضحكة تبعه… حتى وقت بيتمسخر، بتحبيه، لأنه بيبقى مثل الطفل. وأنا آخر يوم شفته… كان طفل محتاج لعطف، محتاج لحدا يحضنه. وكان في موعد نلتقي… لكن الله يرحمه، الله يرحم زياد. سيد درويش لبنان… الرحل."

وعن فيروز قال: "الله يطوّل بعمرها، والله يصبّرها. شو بدي أقول هلأ بوقت مثل هيدا؟ كنا نتمنى نشوفها بغير ظروف. لكن بطلب من الله الصبر لها.
الله يصبّرها… هي أم بالأخير، هلق مش فيروز اللي بتغني وتُسعدنا… هي فيروز الأم. أمنا كلنا. الله يصبّرها، وشكرًا لكم."

أيضاً في ET بالعربي

فيروز تتقبّل العزاء بابنها زياد الرحباني لليوم الثاني

راغب علامة : "الوحيد اللي فهم لبنان"

وبالنسبة لراغب علامة فقال: "خسارة زياد… خسارة غير عادية. منعزّي الست فيروز أمه، بس كمان منعزّي كل لبنان، كل محبينه… نحنا من أكتر محبينه، وأولادنا من أكتر محبينه، والأجيال اللي جاية حيكونوا أكتر وأكتر، لأنه هو الوحيد اللي فهم لبنان. عبّر عن محبة الإنسان اللبناني غير الطائفي… المحب للوطن وللإنسان."

عاصي الحلاني : "زياد ما رحل… باقي معنا"

كما خَصَّ عاصي الحلاني كلمة حيث قال: "الله يرحم زياد، والله يصبّر فيروز… فيروز اللي هي أمنا كلنا. هيدا أصعب شي على الأم إنها تفقد ابنها. بس زياد باقي معنا… باقي، باقي بإبداعه، بأعماله.
زياد حالة استثنائية، حالة خاصة… زياد ما رحل. رحل بالجسد، ولكن زياد باقي معنا… رح يضل مدى العمر."

لطيفة : "استعجلت يا زياد"

من ناحيتها، عبّرت لطيفة عن حزنها: "زياد… أقول له: استعجلت. يعني كتير كان عنا أمل إنك تخف وتكون كويس، لكن… آخر مسج بعثه لي، قال لي: ‘أنا بتحسن ومنتظرك’…أنا جيت، بس هو راح."

وعن العمل المشترك بينهما قالت: "طبعًا، خلّصنا الألبوم… إن شاء الله إن شاء الله بيطلع بمستوى زياد، إن شاء الله."

تقرير سابق من ET بالعربي:  لطيفة تتعاون من جديد مع زياد الرحباني

ميريام فارس : "بصلّي له من قلبي"

وفي الختام اكتفت ميريام فارس بالقول: "بصلّي له… كلنا اليوم قلوبنا مع فيروز، ومع زياد."

ماجدة الرومي في عزاء زياد الرحباني