"أنا راضي بحكمتك يارب العالمين وراضي بقضاءك و أنت عارف إني بحبك وعمري مهزعل منك ابدا و بحمدك انك مقويني عشان إخواتي و ابويا وانا قوي دايما بوجودك ياالله" رسالة مؤثرة وجهها أدهم محروس ابن الراحلة نادية العراقية، وكلمات حملت الكثير من الحزن على فراقها .
وتابع أدهم : "بس أنا مكنتش عارف إن الفراق صعب أوي كدة !، أنا مش مصدق كل اللي حصل، ومش عارف اعبر عن إحساسي ولا اللي جوايا !، مش مصدق إن ماما كده خلاص !؟، مش مصدق إني مش هشوفها ولاهسمع صوتها ولا هحس بأيديها على رأسي تاني".
وأضاف : "يارب دي هي كانت مصدر قوتي في الدنيا، دي كانت الطيبة والضحكة والرزق و الفرحة والطبطبة والحنية و الثقافة و الذوق، دي كانت الدنيا يارب !، أنا مش مصدق أن آخر شيله شيلتها لأمي كانت لقبرها ! ".
وطالب أدهم محروس كل أصدقائه ومتابعيه بالدعاء لوالدته: " يارب ارحمها عشان انت عارف ان قلبها ابيض و بتحبك، ارحمها عشان أنت عارف أن عمرها مقصرت مع حد، وعمرها مقصرت معايا بالعكس انا اللي قصرت معاها، بحبك يا ماميتو، هكمل حياتي عشان دي سنة الحياه وعشان وعدتك اني هنجح في حياتي، هتفضلي عايشة في قلبي".
