في مقابلة خاصة أجرتها مع ET بالعربي، تحدثت ريهام سعيد عن مرضها والأشخاص الذين وقفوا الى جانبها وساندوها في محنتها، كما كشفت عن السبب وراء خلافها مع عبير صبري.
ريهام سعيد عن خلافها مع عبير صبري:"قالتلي إنت دراما كوين وبتحبي تعملي دراما"
وبدأت ريهام سعيد حديثها في المقابلة لتقول : "أكتر حاجة انا كسبتها في الأزمة دي إني في فنانين أنا ما كانش لي دعوة بيهم وبقوا صحابي دلوقتي، وكلهم عندهم أخلاق غير طبيعية".
كما تحدّثت عن قربها من ريهام عبدالغفور فقالت : "اوك كنت أعرفها قبل لكن ما كناش قريّبين زي دلوقتي، فعلاً دي ست محترمة، انا مسمّياها ملاك".
أضافت : "وريهام حجاج، ورضوى الشربيني حاولت كتير في الأول إنها تشوفلي دكتور، ممكن تكون لما آخر مرة ودتني لشام، وعرفت إن ما فيش حل، يمكن من وقتها بطلت تتواصل لكنها حاولت جاهدة بصراحة".
أما عن خلافها مع عبير صبري فقالت : "أنا بقابل ناس كتير بيشجعوني بيقولولي إنتِ زي القمر، وإنتِ حلوة، ما فيش غير واحدة بس لي جرحتني جرح فظيع ويمكن مش مفروض أقول اسمها، إحنا صحاب اشتغلنا مع بعض، بس هي قابلتني وقالتلي كلمة ضايقتني اوي".
تابعت : "كنت رايحة في حفلة على البحر وشفتها، كنت الوحيدة لي حاطة ماكياج، وإنت عارفة البحر ما ينفعش تحطي ماكياج، فأنا وداخلة مدهونة قالتلي (ما انتِ كويسة اهو، انت دراما كوين وبتحبي تعملي دراما) .. بعدها سبت الحفلة دي وركبت عربيتي وقعدت أعيّط".
ثم قالت : "كنت عايزة أقولها لو تعرفي كم الألم لي فيّ، ومكتوب في الطب الشرعي اني أنا عندي (ستيغماتيزم) وان هو السبب في رمشة العيون، وانا والله العظيم قبل العملية بيوم ما كانش عندي ستيغماتيزم".
وختمت ريهام حديثها بذكرها إسم عبير فقالت : "عبير صبري، بقول اسمها عشان مش عايزة أكلّمها تاني، لأن مش من واجب حدّ إن هو يوقف جنبي، وما فيش حاجة يقدروا يعملوها لي، لكن إن تقُل خيراً أو تصمت".
