يبدو أن تصريحات زين كرزون الأخيرة من خلال مقاطع فيديو شاركتهم عبر حساباتها الرسمية على السوشيال ميديا، عن ما يجري من أحداث وحرب في فلسطين، عرضتها لهجوم كبير وحملة واسعة من المقاطعة.
زين كرزون قالت في الفيديو، "قضية فلسطين ما بدها ناس مؤثرين يأثروا عليكم لحتى تحكوا أو تنزلوا عن فلسطين، المُؤثر هو الفلسطيني الي اتدمر بيتوا، مش شي جديد اللي صار بـ فلسطين مش كنت نايمة وصحيت وصار اللي صار بـ فلسطين، ليه بدنا نعمل شوشرة على السوشيال ميديا، حب فلسطين هو اني أنزل مية بوست وصُورة وأبكي قدام الكاميرا عشان تزقفولي".
هذه التصريحات التي عادت زين وأوضحتها، وأكدت أنها مجتزئة عرضتها لإنتقادات واسعة، إضافة إلى حملة عدم متابعة لحسابها على الإنستغرام حيث خسرت أكثر من 150 ألف متابع، وسط مطالبات للشركات المعلنة أن تتوقف عن التعامل معها.
زين كرزون قالت في ردها على الانتقادات، "بدي رد رد سريع على وحدة فبركتلي حوار على الواتساب للاسف هي البنت اخدت فيديو الي نازل من 4 اشهر وركبته فويس وعملت حوار واتساب بيني وبينها، انشالله كل شخص بفبرك شي على اسمي الله يحاسبك، انا واثقة ان رب العالمين رح يحاسب كل شخص".
وأضافت زين "حب فلسطين بالقلب وقد ما في ناس بتحبك في ناس بتحب تصطاد بالمي العكرة ولو في عنا ثقافة وضمير، قبل ما نحكم لازم نشوف ونسمع الاشي اللي صار، في كتير ناس ما شافوا الستوري واخدوا منه مقطع أو مقطعين وعمله منه هالضجة، وفي كتير رسائل من اهل فلسطين عم يقولولي انو نحنا معك ومنعرفك ومنعرف حبك لفلسطين".
وبكت زين وقالت "اتحملت السب والشتايم وكمية الظلم اللي انظلمتها للاسف من اشخاص معينين فبركولي كل اشي وبلشوا ينشروا وانا عرفتهم".
