سيدرا بيوتي وخطيبها رامي حمدان اختارا ET بالعربي ليكشفا للمرة الأولى تفاصيل خطوبتهما، ويتحدثا بصراحة عن التسريبات التي سبقت إعلان علاقتهما، ويجيبا على السؤال الذي يشغل المتابعين: هل تكون سيدرا عروس عام 2026؟
سيدرا بيوتي وخطيبها رامي حمدان في أول لقاء إعلامي
في بداية اللقاء، استقبلناهما بعبارة "مبروك يا عرسان"، ومع تذكيرهما بأننا في السنة الأولى من 2026، عاد السؤال الذي طُرح سابقًا: هل ستكون سيدرا عروس 2026؟
سيدرا ردّت ضاحكة: "شايف صراحه يعني ما كنت متوقعه بدك تسال رامي". أما رامي فقال ممازحًا: "خلص صاحبي دق الحديد وهو حامي خلص يا برو خلصت دقات لاهلي بي حجزت له تكت بالليل".
عن التسريبات قبل الإعلان الرسمي
قبل إعلان الخطوبة، انتشرت تسريبات عدة عن علاقتهما، وهنا أوضح رامي: "كانت تسريبات مهضومين ما كنا ننزعج صراحه بس مثل ما قلت من شوي انه نحن ما كنا نتضايق او كنا نخبئ انه بليز ما بدنا نبين بس لا بس انه الاحلى انه يكون في شيء رسمي خلص بس نكتب كتابنا وجيب اهلي يتعرفوا على اهلها خلص بنعلنها ما حلوه يعني قبل ما اجيب اهلي عرفت هيك نسرب ونقول للعالم نحن سوا ما بتعرف لا سمح الله فالحمد لله مشينا خلص كيف اي النظام بيقول خلص مشينا مثلو".
سيدرا بدورها أكدت أن العائلة كانت الأولوية: "نحن عننا طبع بعيلتنا ما نطلع شيء على العلن الا اذا كان رسمي لانه ما بتعرف لا سمح الله اذا صار شيء او هيك بس انه الحمد لله الحمد لله ارتحنا هلا".
كيف عرف كل منهما أن الآخر هو الشخص المناسب؟
عن بداية القصة، كشف رامي تفاصيل تعارفهما قائلاً: "التقينا كذا مره بكذا فيديو ل اسامه ولاغير اسامه وتعرفنا على بعض وانا شخصيا كثير مقرب من اخواتها الشباب فانا كنت ضل زورهم بالبيت والتقي معها بالبيت فانه تعرفنا على بعض بهالفتره وهيك حبيت هيك نظهر شي مره لحالنا وتعرف عليها اكثر لحالنا بعيدا عن جو العائله وتعرفنا على بعض لفتره زمنيه هيك طويله شوي بعدين خلص يعني تعلقت فيها وتعلقت فيني وهياتنا صارت مرتي وخلص".
وعن السبب الذي لفت نظرها إليه، قالت سيدرا: "لانه جوي رامي فرفوش مهضوم بدخل القلب بسرعه فايه حسيت انه he is the one". كما أكدت أن رامي هو من بادر أولًا: "هلا ايه اكيد بس انه انا يعني لمحت له انه خلص يلا امتن نشد ونرخي نشد ونرخي".
عرض الزواج.. البساطة التي كسرت النمط
الـ Proposal الذي انتشر على السوشال ميديا نال إعجاب الجمهور لبساطته، بعيدًا عن العروض الضخمة المعتادة. رامي علّق: "انا حياتي كلها على البحر قبل ما اجي على دبي حتى بلبنان كل وقتي على البحر وكثير بحب البحر يعني فخلص من انا وصغير خلص بس بدي اتجوز بدي اتقدم لمرتي على البحر يعني فما بدي شيء يغير لي ان كان بالسوشال ميديا ولا ان كنت لاعب فوتبول ولا خلص انا احب اتقدم لحبيبتي على البحر هيك ما في ولا ورده ولا شيء خلص مع اللي بحبها وهي بتحبني و والله اللي صار".
أما سيدرا، فعبّرت عن حبها للفكرة قائلة: "البروبوزل كان كثير جوي لانه رامي بيعرفني منيح انه انا بحب البساطه وما بحب اطلع out of the box حسيت البروبوزل كثير بيشبهنا نحن الاثنين وكثير شخصياتنا انه احتم بالمومنت اكثر من انه شو موجود ان كان شمع ولا ورد خلص اخر هامه المهم انا وهو عم نعيش اجمل لحظات بحياتنا على المكان اللي اثنيناتنا بنحبه يعني".
هل سيدرا بيوتي عروس 2026؟
وعند إعادة السؤال حول زفاف 2026، أجاب رامي: "ان شاء الله يعني انا ما في اقول غير ان شاء الله يا رب حسب الهمه يعني اذا قدرنا قدر لانه عرس يعني ما فيك مش شيء سهل".
العلاقة مع العائلة
سيدرا تحدثت بمحبة عن حماتها: "حماتي بحبها كثير مثل امي الثانيه يعني علاقتنا كانها رفيقتي جدا قراب من بعض كثير باخذ راحتي معها فبحسها انه هي عيلتي بس انه بتحسها انه شخص بعرفه من زمان كثير اول ما التقيت فيها فورا فاتت لقلبي فبحبهم كثير كلهم بحبهم".
أما رامي فكشف عن موقف مؤثر لوالده: "ابو رائد ايه والله كثير حبها كثير انه هو قال و ج بعيده انه نحن ثلاث شباب وعن جد حلمنا يكون عننا اخت واول بنت فاتت على البيت هي صادره فانه كثير مبسوطين فيها مبسوطين فيها اكثر مني يعني بيحكوها اكثر ما بيحكوني انا بس بي بربك عبرني شوي تركني عننا سيدره اذا بتريد ف مبسوطين فيها والله".
بهذا اللقاء الأول، اختار الثنائي البساطة نفسها التي طبعت قصة حبهما ليعلنا خطوبتهما رسميًا، مؤكدين أن ما يهمهما هو العائلة واللحظة الصادقة… أما موعد الزفاف، فـ"إن شاء الله" تبقى الجواب الأقرب.
