علق شريف منير على البوست الذي نشره اليوم على حسابه الرسمي على إنستغرام، والذي أثار جدل على السوشيال ميديا، حيث قال لـ ET بالعربي "أنا كنت قاصد أكتب البوست بهذه الطريقة وكنت عارف إنه هيتسبب في حالة من الجدل، وكنت متوقع الناس البايخة هتقول الكلام اللي أنا قولته فأنا حفلت على نفسي قبل ما يتحفل عليا".
وأضاف منير "أنا بعمل كده مخصوص عشان بنضف صفحتي من الناس البايخة وبعمل بلوك لكل الناس اللي بتضايقني بتعليقاتها، كنت عارف الناس هتقول طبعاً إنتوا حاسين بحاجة الناس تعبانة ورايحين تسافروا وكأننا مش المفروض تريح نفسك شوية".
وأكد شريف منير أنه تلقى عدة تعليقات سلبية، "ومنها اتشتمت بأمي وابويا، ومنها حد بيقول فين النجوم دول؟ بقوله لا اتفلق إنت حر". وعن تخوفه من هذه البوستات بأنه يخسر جمهوره، فرد قائلاً "اللي هخسره عشان ده ضايقه ميفرقش معايا بالنسبالي خسارة الناس اللي هتعلق بهذه الطريقة مكسب، لأن في ناس تانية علقت تعليقات كويسة جدا منها حقك تنبسط وتغير جو وتريح اعصابك"، وأضاف منير "هو حد عارف انا طول السنة كنت بعمل ايه وحد عارف تعبت اد ايه في رمضان اللي فات فمن حقي اريح أعصابي شوية".
ووجه منير، رسالة لكل الذين علقوا تعليقات سلبية، "لو كنت صاحبي قولتلك تعالى أقعد يومين في الاسكندرية هتقولي لأ! فهما ناس عندهم ازدواجية في الشخصية وناس بيحبوا دايما يغلطوا في البشر والناس اللي من النوع ده انا بحب وبتعمد اخسرهم".
