في ظل وجودها في المنزل مع عائلتها بسبب أزمة كورونا، قررت شيرين عبدالوهاب إعادة تفعيل حسابها على تويتر ، وذلك بعد إقفاله لفترة تزيد عن الـ4 أشهر حيث كانت آخر تغريداتها في 16 أكتوبر عن حديث ديني عن المفلس في الحياة الذي يشتم الناس ويذم فيهم.
وفي أولى تغريداتها قالت شيرين: "أنا هنا يا حبايبي وإتبسطت جداً لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكرينني وبتسألوا عني".
شيرين طمأنت جمهورها مؤكدة تواجدها في المنزل مع عائلتها خلال الفترة الحالية، "أنا عايزة أطمنكم إني بخير الحمدلله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير".
وعبرت عن سعادتها للإهتمام الذي وجدته من جمهورها خلال فترة غيابها عن السوشيال ميديا، وقالت: "اهتمامكم بالسؤال عليا ده فرحني جداً وإداني طاقة إيجابية كنت محتاجاها في ظروف زي دي، وحمسني جداً وخلاني عايزة افرحكم زي ما فرحتوني".
ووعدت شيرين جمهورها أنها بصدد تحضير مفاجأة لهم قريباً، وأضافت: "قريب إن شاء الله أشارك معاكم حاجة قريبة جداً لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت".
