رسالة من القلب وجهتها شيرين عبد الوهاب لـ هيفاء وهبي، التى وقفت بجانبها خلال الأزمات التى مرت بها الفترة الماضية، وناشدت الجميع بحل مشاكلها داخل مصر.
وكتبت شيرين عبد الوهاب عبر "x":"أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور".
وأضافت:"وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني هيفا اثبتت ان الصديق الوفي مش لازم هو اللي جنبك ممكن يكون بعيد عنك".
وتابعت شيرين عبد الوهاب:"من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي، وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير ".
هذه الرسالة لاقت تفاعلاً من المتابعين .. حيث علقت إحدى الفانزات "هيوفه فعلاً شخص كلها انسانية بزمن ماتت فيه الانسانية ،، جميلة من جوا ومن برا ،، الله يحميك هيوفتنا ❤️ 😘 ونتمنى كل التوفيق لشرين". وقالت غيرها: "ياروحي هيفا اللي ما يعرفها يجهلها والله انظف واطيب قلب وجدعه مع الكل واجمل وحده بالعالم من جوا قبل برا وانتي ياشيرين تستاهلين كل خير الله يحميكم لنا ".
وكانت شيرين عبد الوهاب، طرحت ثلاثة أغاني جديدة، خلال الأيام الماضية، عبر حسابها على "x"، بعد أن قامت شركة روتانا بحذفهم من علي "يوتيوب"، بسبب الخلاف الذي بينهم.
