عن قصة تعارفها وتفاصيلها تحدث طارق العريان وزوجته نيكول سعفان، لأول مرة أثناء حلولهم ضيوف ببرنامج "صاحبة السعادة"، والتي تقدمه إسعاد يونس ويذاع عبر قناة "dmc".
وفي البداية قال طارق العريان: "أول مقابلة كنت في شغل وهي كانت موجودة في نفس المكان قلنا لبعض هاي وبعد كدا مشينا، وفي الأساس كانت في زيارة لأنها قاعدة في أستراليا، وحصلت بعد كدا بعض الأزمات وعدت شهور".
وأضاف العريان: "وفضلت فاكرها برده، وبالصدفة في حد مشترك بيني وبينها قدر يوصلنا ببعض، بس أنا اللي طلبت إننا نتكلم يعني وحاولت أتكلم معها في أي حاجة، واللي هي عايزاه عمله وبعد كدا بقينا نتكلم وانبهرت وبعد كدا طلبت إننا نرتبط وحصل".
بينما قال نيكول سعفان: "أنا كنت في حياتي ولم أكن في عالم طارق العريان، وكملت حياتي عادي وبعد كدا لقيت رسالة منه وأتكلمنا وبقي عاير يكلمني في أي حاجة وأنا مكنتش فاهمة حاجة، وكان طارق طريقته كانت ناعمة أوي، وفي الوقت ده أنا كنت عايزة أشوف لو ممكن أستقر في مصر، وحابة أبقى قريبة من أهلي هنا، أنا أمي مصرية وبابا سوري أرمني، وطارق ظهر في الوقت الصح".
وعن الغيرة قال طارق العريان: "أنا بغيرأنا أصلي برده يعني مسكفش حد مبحبش أصد أوي، يعني مرات في مواقف عارف أني المفروض أصد هنا لكن بحاول أبقي لطيف"، ولترد عليه نيكول سعفان، قائلة: "لازم أكيد أغير وأمي دائما بتقول لطارق أنت بوظت بنتي".
