في لقاء مع ET بالعربي، عبدالمنعم عمايري يوضح حقيقة التعليقات التي طالت فرق العمر بينه وبين عباس النوري في مطبخ المدينة، مؤكداً أن طبيعة الشخصية وخيارات الشكل كانت مقصودة.
عبدالمنعم عمايري يرد عبر ET بالعربي على تعليقات فرق العمر مع عباس النوري في مطبخ المدينة
"في فرق كبير بيناتنا"
ورداً على سؤال حول ما إذا كان لمس التعليقات التي اعتبرت أن فرق العمر بينه وبين عباس النوري غير منطقي، قال عبدالمنعم: "في فرق كبير بيناتنا، بس نحن عم نحكي عن طبيعة الشخصية وسلوكها. زائد إنه هو دقّة قديمة للأب، يعني من هدول اللي بتجوزوا وهم صغار بالعمر. بالعكس تاريخياً موجود، وعلى التلفزيون وتاريخ الأستاذ عباس أكيد في فرق كبير بالعمر بيني وبينه، الله يطول عمره."
"أنا زدت بياض شعري"
وتابع موضحاً أن الشكل الخارجي لعب دوراً في تكريس هذا الانطباع: "وزائد إنه أنا بيّضت شعري كمان، زدت البياض. عطيت إحساس إنه أكبر. هو الكبير، بس أنتِ شوفي كيف نطّ عمره بين 2012 و2024. في ناس فجأة بتكون نايمة، بتفيق بتلاقي شعرها أبيض. ما غمّقته، كان ببساطة فينا نعمل مكياج تقليدي ونرجّع الشعر أسود، عادي، بس كنا قاصدين هالشي."
"مهموم ومسحوق ومضطهد"
وأشار عمايري إلى أن التحولات التي مرّت بها الشخصية تنعكس على مظهرها، قائلاً: "ياخد شي كمان من أبوه. هو بيبين أكبر من عمره من كثر ما مرق عليه، من كثر ما هو مهرق ومهموم ومسحوق ومضطهد. كل هالحالات… شوفي كيف كان قبل، وبعد كل اللي صار فيه."
