حررت علا غانم محضرا ضد طليقها خلال الساعات القليلة الماضية وذلك بعد اكتشافها انه قام بتأجير الفيلا الخاصة بها لتصوير إعلانات مقابل مبالغ مالية ضخمة دون علمها.
وتواصل ET بالعربي مع علا غانم للوقوف علي تفاصيل الموضوع فقالت:"انا مطرودة برا بيتي بقالي سنة وأربع شهور من فبراير 2023، لحد النهادرة انا برا بيتي، بعد ان استولي عليه برئاسة المخلوع اللي محببش اللي حتي اقول اسمه، استولي علي البيت هو والبلطجية اللي اقتحمه البيت عليا من 2023، قبل تاريخ قرار الخلع بشهر".
وتابعت علا غانم في تصريحها لـ ET بالعربي:"وكمان بيستغل بيتي وبيصور فيه، وبيأجره مقابل 30 و40 و50 الف جنية في اليوم، وبيدعي اني مأجرة البيت له بعقد مزور انا لسة مشوفتوش بس أكيد مزور، وبيقول اني مأجرة بيت 1200 متر بالف جنية في الشهر، مش عارفة اي في مصر بيتأجر بالف جنية، إذ كان الشقة الصغيرة الاستديو في اي حتة بتتأجر 5 الف جنية في الشهر، فانا مأجرة بيتي لمدة 59 سنة بالف جنية في شهر".
وأضافت علا غانم:" وكمان بياجر بيتي لتصوير مسلسلات وأفلام وإعلانات، وهل بقي الضرائب عارفة الكلام دا، وبعدين هو بيدعي انه كان بيصرف عليا لية عايش في بيتي لية اللي ببني في بقالي سنين طوبة طوبة، وفي أصدقاء ليا جهم ليا البيت قبل ما أعرفه اصلا".
