بعدما أثارت تغريدته تساؤلات عديدة، غرد فارس كرم مجدداً ورد على اتهام البعض له أنه قصد عاصي الحلاني في تغريدته عن لقاح كورونا.
وقال فارس كرم في التغريدة، متوجهاً لـ عاصي الحلاني "أبوالوليد حبيب قلبي ومن اقرب الناس ونحنا دايما على تواصل واللي بيجمعنا محبة كبيرة من زمان. وعاصي اصلا ما نزَل صورة عم ياخد اللقاح وعم يتباهى في حتى كون بقصده متل ما البعض عم بقول! الله يحميه هوي وعيلته واللي عم يصطاد بالمي العكرة ما بيطلعلو معنا ونقطة عالسطر".
ومن ناحيته رد عاصي الحلاني، على أحد المغردين الذي شارك تغريدة لـ فارس كرم يقول فيها "بفهم إنّك تحمي نفسك وتاخد اللقاح ضد كورونا .. بس بتفاجأ لمّا تتباهى فيه عالسوشيل ميديا وتغمّض عيونك عن الناس اللي ما معا تاكل وواقفة على بواب المستشفيات.. اللي اختشوا ماتوا"، وعلق "عم يجيب سيرتك اوعى تسكتلو"، فرد عاصي "كون اكيد فارس حبيب قلبي ما عم يجيب سيرتي انت ما تزت زيت على النار".
