في حديث خاص مع ET بالعربي، يفتح فراس إبراهيم قلبه للحديث عن غياب عدد من نجوم سوريا عن جنازة الراحلة هدى شعراوي، ويرد بصراحة على التعليقات التي قلّلت من أهمية حضوره الدائم في المناسبات الحزينة، كاشفًا موقفه الإنساني والفني مما حصل.
فراس إبراهيم يعلق على غياب نجوم سوريا عن جنازة الراحلة هدى شعراوي
"ليش ما حدا موجود غيري؟"
يبدأ فراس إبراهيم حديثه بتساؤل مباشر قائلًا: "بس ليش ما حدا موجود غيري؟ أنا بصراحة ما عندي أي تفسير، ما عندي أي تفسير غير اللي بيقولوه الناس بالتعليقات لما بشوفوني تقريبًا أنا الوحيد أو معي اثنين تلاتة، بيقولوا يمكن لأنه ما عنده شغل، يعني يمكن لو عنده شغل ما بيجي، بتعرفي أنت هذا الكلام"، قبل أن يعبّر عن استيائه مما يسمعه مضيفًا: "فصار شيء مؤسف إنه اللي بيقوم بواجبه كمان بلاقوا له حجج إنه ليش عم يقوم بواجبه".
كاميرا ET بالعربي في موقع جريمة قتل هدى شعراوي
"حتى اللي عنده تصوير لازم يفركشه"
وفي سياق متصل، يوضح فراس إبراهيم موقفه بوضوح قائلًا: "أنا جاي واعتقدت إنه كل زملائي لازم يكونوا موجودين، يعني حتى اللي عنده تصوير إي لازم يفركشه، يعني بصراحة مو لأنه بس هدى شعراوي توفت… لأنه انقتلت"، مشددًا على أن الحضور في هذه الحالة لم يكن خيارًا شخصيًا، بل موقفًا إنسانيًا وأخلاقيًا كان يجب تسجيله.
"مو لأنه بس هدى شعراوي توفت.. لأنه انقتلت"
ويختم فراس إبراهيم حديثه قائلًا: "مو لأنه بس لأنه هدى شعراوي توفت، لأنه انقتلت، يعني ما ماتت بشكل طبيعي لحتى والله يرحمها وكل واحد يروح على بيته، لا… يعني لازم يجي ليسجل موقف، إنه شو هذا؟ يعني كيف؟ كيف ممكن يصير إنه امرأة بهذا العمر وبهذا التوهج تموت بهي الطريقة".
