تداول نشطاء في لبنان فيديو لفتاة تقتل فيه كلباً في الشارع من دون أي سبب، الأمر الذي عرضها لهجوم كبير وصل الى حد القبض عليها .
إليسا التي لطالما تدافع عن حقوق الناس وأيضًا الحيوان كانت أول من إستنكر هذه الجريمة قائلة: " لك شو هل الاجرام ،لك هاي روح يا بلا انسانية !الله يسطفل فيكن! يا حرام".
وعلقت كارمن لبس قائلة: " هيدا الفيديو برسم السلطات. يلي بتقدر بكل قلب بارد، بالأحرى ميّت، تقتل حيوان بهالطريقة وقدام أطفال، معناها بتقتل أي حدا بلا ما يرفلها جفن . هيدا غير تأثيرها عالأطفال، يلي بيقهر بعد إنو لاقوه شي مضحك!!!! أيا رجال ونساء رح يطلعوا من هيك ترباية؟!!
بدورها عبرت نانسي عجرم عن غضبها من هذا الفيديو قائلة : " لما الإنسانية والرحمة بقلوبنا تموت... !!!! عقدّ ما قلبي موجوع من بشاعة هالفيديو، موجوع أكتر عضحكات طفل عم يربى على القتل، بكل دم بارد!
وتحديثاً لأخبار هذا الفيديو أصبحت القضية في عهدة المدعي العام البيئي اياد البردان الذي بدأ باتخاذ الإجراءات القانونية بحقها، ومتابعة من جمعيات الرفق بالحيوان.
