خلال استضافتها في برنامج "الحكاية" مع عمرو أديب، تحدثت هنا الزاهد عن النجاحات التي حققتها هذا العام، ووصفت 2025 بأنها من أجمل سنوات حياتها، قائلة: "السنة دي من أجمل السنين في حياتي وشغلي، بحمد ربنا عليها جدًا، وإن شاء الله اللي جاي أحسن."
وأشارت إلى أن أعمالها الأخيرة مع نجوم كبار مثل أمير كرارة، أحمد عز، وتامر حسني جاءت بتوفيق من الله ومجهودها المستمر، مؤكدة: "ما بعملش حاجة غير بشتغل، حياتي كلها بيت وشغل."
هنا الزاهد :"2025 من أجمل سنين عمري"
"اتغيرت وبقيت بحسبها كويس"
وعن التغيرات في شخصيتها، قالت هنا إنها أصبحت أكثر نضجًا وهدوءًا، مضيفة باللهجة المصرية التي حافظت عليها طوال اللقاء: "كنت الأول الدنيا يلا كده، دلوقتي لا، بحسبها قوي. ما ينفعش أمشي كده من غير ما أفكر، بقيت عاقلة أكتر وبحسب كل خطوة."
وأضافت أنها لم تعد تثق بسهولة في الآخرين: "كنت الأول بحس باللي قدامي، دلوقتي بقيت جافة المشاعر، مش بعرف أتعامل مع حد مش حقيقي."
"أنا خجولة بس قاتلة!"
وعندما سألها عمرو أديب عن الحب والارتباط، فاجأت هنا الجمهور بصراحتها قائلة: "أنا خجولة جدًا، بس قاتلة... الموضوع بينتهي قبل ما يبدأ." وأوضحت أنها تميل لتجنّب الدخول في علاقات عاطفية حاليًا، مؤكدة بابتسامة: "ما بفكرش في الحب خالص، مركزة في الشغل جدًا، يمكن بعدين أفكر." كما تحدثت بطريقتها العفوية عن مفهوم "الست الحلوة" قائلة: "الست الحلوة ممكن تكون مشكلة لو الراجل ما عندوش ثقة في نفسه، لكن اللي واثق في نفسه عمره ما يقلق."
"عن الارتباط والعلاقات"
كما تحدثت هنا الزاهد بصراحة عن موضوع الزواج، وأكدت أنها لا تفكر به في الوقت الحالي رغم الضغوط العائلية، قائلة: "ما بفكرش في حد خالص دلوقتي... مركزة في الشغل جدًا، يمكن بعدين أفكر."
وخلال الحوار، طرح عمرو أديب سؤاله بطريقة مباشرة قائلاً: "الارتباط ست حلوة أم مشكلة؟" لترد هنا بعفويتها المعتادة: "ليه؟ أنا بسأل، ست حلوة لو هي الست مش كويسة يعني ست مش لويل، لأن أكيد في... آه طبعًا، بس هيفضل دايمًا أنا أصل كان لي صاحب عنده مثل كده هبقى أقوله لك بس بعد الهوا ماشي... الست الحلوة دي يفضل الراجل قلقان دايمًا، يعني يفضل طب انتي خرجتي طب انتي رجعتي... بتبقى مشكلة."
وأضافت موضحة رؤيتها: "بس على حسب الراجل يعني ممكن يبقى راجل ما عندوش ثقة في نفسه، فيبقى يقولك إيه ده مين كلمك، دوريني، الحاجات دي، ده واحد ما عندوش ثقة يعني، لكن اللي بقى واثق فيا وواثق في نفسه أكيد ما..."
وتابعت ممازحة عمرو أديب: "طب ما أنا أكيد ممكن يبقى هو أحلى مني، في راجل أحلى منك غير أحمد عز طبعًا؟ أصل أنا عايزة أقولك على مشكلة، هو أنا عندي اتنين، عندي مشكلة مع أحمد عز وعمرو دياب..."
"ما بحبش المجاملات في الوسط الفني"
انتقلت هنا في حديثها لتتحدث عن الوسط الفني، فعبّرت عن انزعاجها من المجاملات الزائدة، موضحة: "في ناس حواليهم بيطبلوا لهم طول الوقت، وده ممكن يضر الفنان، أنا بحب الناس اللي تقول الحقيقة حتى لو صعبة."
"بخاف من الشخصية اللي عملتها في إقامة جبرية"
تطرقت هنا أيضًا لتجربتها في مسلسل "إقامة جبرية"، مشيرة إلى أنها اندمجت تمامًا مع الدور لدرجة أن والدتها كانت تخاف منها أثناء التصوير. وقالت ضاحكة: "أنا أمي كانت بتخاف مني وأنا بصور، الدور ده كنت عايشاه بجد."
"ما بروحش لدكاترة نفسيين"
وفي ختام اللقاء، كشفت هنا عن موقفها من العلاج النفسي، موضحة: "أنا عمري ما رحت لدكتور نفسي، بس رحت مرة قعدت مع واحد علشان أجهز لشخصية سايكو، وفعلاً ساعدني أفهم الشخصية أكتر."
