حل حسن شاكوش وطليقته ريم طارق ضحايا بالحلقة 27 من برنامج رامز جاب من الآخر والتي تعرض على قناة "mbc مصر" ومنصة "شاهد".
بدأ رامز الحلقة بمقدمته الساخرة المعتادة في إستقبال الضيوف، قائلاً: "الزواج والطلاق موجودين منذ قديم الزمان بس كان في احترام، فاتن حمامة وعمر الشريف تطلقوا بكل احترام وتقدير، رشدي أباظة طلق وتزوج 4 مرات، ومحدش سمع عنه حاجة".
وتابع : "لكن دلوقتي كل اتنين يطلقوا يطلعوا يقولوا على بعض كلام كبير قدام الناس كلها، النهاردة احنا معانا اتنين سيرتهم كانت علي كل لسان خبر طلاقهم كان عاجل على كل المواقع، معانا ومعاكم الزوجة المكلومة والزوج المقفوش ريم طارق وحسن شاكوش".
وبعدها وصل حسن شاكوش وكان رامز بإستقباله، وراجع معه الأسئلة، وقال رامز لشاكوش: "بيقولوا أنك بعد ما اتطلقت اتجوزت تاني ده صح؟"، ليرد عليه شاكوش:" لا طبعا هو دا كلام والطلاق موضوع واتقفل مش عايزين نتكلم فيه".
ووصلت ريم طارق من بعده، واستقبلها رامز جلال، قائلاً:"انتي بقيتي نجمة في عالم المطلقات، وقالت له ريم طارق:"مش عايزين نجيب سيرة حسن شاكوش ومينفعش ارجعله مرة تاني".
مقلب حسن شاكوش وطليقته مع رامز جلال
بدأ بعدها المقلب لتتفأجئ ريم طارق بوجود حسن شاكوش فتطلب على الفور وقف البرنامج، وظلت تصرخ وتقول لرامز:" انت مريض مش هينفع نبقى مع بعض ولا نتصالح، انت كده هتعملي مشكلة، حرام عليك احنا عندنا مشاكل يا أنا ياهو".
ودخلت في نوبة من البكاء، وقامت بخلع المايك وكسره ليرد حسن شاكوش عليها قائلا: "يارامز خرجها من هنا خليت واحدة ملهاش لازمة تقول يا أنا يا هو..هو دا أسلوبها".
رد رامز: "أنا كنت فاكر إن الموضوع سهل هيخلص بضحكة وأفيه ونكته، بس مكنتش متخيل إن فيه كره بينكم واصل للدرجة دي، واحدة قطعت المايك ورمته وواحد مقالش ولا كلمة"!
وتم إلغاء فقرات البرنامج وإنهاء الحلقة حيث حاول تهدئة ريم طارق بعد أن دخلت في حالة من الأنهيار.
