في أول حلقة له من جدة استضاف أنس بوخش ضمن برنامجه ABtalks على اليوتيوب دينا الشربيني التي تحدثت عن الأسرة، الطفولة، الخيانة، الحب، وكيف تتعامل مع تقلبات الحياة وغيرها من المواضيع.
دينا بدأت حديثها بأنها "كويسة" وأنها أتت للبرنامج بوقت جيد ولو كان وأتت منذ شهرين أو ثلاثة كان الوضع سيتغير، مشيرة إلى أن السبب في ذلك يعود إلى أنه كان لديها ستريس من قبل بفعل عملها الجامد وقلة نومها وأيضًا لم يكن لديها حياة شخصية".
أشعر أنني "عيلة"
وفي فقرة "أنتي مين" قالت دينا "ده سؤال كبير قوي مش عارفة كل ما اسأل نفسي هالسؤال مش بهرب مش حفضل وراه أول حاجة اتت في دماغي أشعر أنني "عيلة".
دينا تحدثت عن طفولتها قائلة "طفولتي كانت حلوة أوي حتى بالجامعة..كنت طفلة شقية وعنادية جدا وزنانة وبقول يا رب لو خلفت عيالي ميطلعوش زنانين بس أكيد ربنا هيردهالي، أهلي كانوا كويسين أوي عشان مكنش في حد في سني كان هما أصحابي لأن أخواتي أكبر مني بكثير".
صفة تتمنى دينا تغييرها
وعن صفة تتمنى دينا تغييرها قالت "مامتي عصبية وأنا وأخواتي كلنا عصبيين إلا أختي الوسطانية ممكن تمسك نفسها بس بابا عكس كدة خالص ودايمًا بيقول كلمة "مفيش مشكلة" مهما حصل، وبقوله كان نفسي أبقى زيك في الحنة دي".
معظم أهلي كانوا ضد التمثيل
ولفتت دينا خلال حديثها إلى أن أسرتها رفضت دخولها الفن "معظم أهلي كانوا ضد التمثيل وبابا بس اللي كان موافق، أنا عنادية وبعدين في حاجات معينة أنا بشوف مدام ربنا ادهالك أفضل ماشي وراها، يعني أي حد ربنا مديله موهبة بستحرم أوي إن هو ميعملهاش..طبعا أنا معرفش إذا كنت بعرف أمثل ولا لأ ولحد دلوقتي، بس اللي أقصده إن ده كان إحساسي من جوا أنا عندي حاجة مختلفة".
وعن اتهامها بالارتباط برجل متزوج علّقت "في فترة طويلة قوي قعدوا ناس مش عايزة أقول القصة بالضبط ولكن كان يقال أنه أنا أخذت حد من حد وده ما كنش حقيقي خالص وفي الوقت ده كان كل أصحابي يقولولي قولي أن الموضوع الثاني ده كان خلصان من سنين طويلة ومافيش حاجة وهما مش مع بعض قررت أن لا أتكلم وطول ما أنت عارف لو ما عملتش ده فلن تتضايق".
وعن سبب صمتها وعدم التحدث بهذا الأمر قالت "مش حياتي لوحدي ولن أتحدث عن حياة 3 أشخاص ونحنا كنا ok مع بعض وأنا وهي كنا صحاب ولغاية دلوقتي فنحن نضحك على الكلام الذي يقال بقلك "مش على راسي بطحة" وأنه لازم أطلع أدافع عن نفسي وأعرف أن ناس كثر كرهوني بسبب الموضوع ده ويلي هو مش حقيقي وظهر بعد فترة أنني والبني آدمة الذي قيل أنني أخذت زوجها فده ما كنش حقيقي وليس له أي وجود من الصحة".
أضافت "أنا في حياتي عمومًا بسيب الذي يتكلم يتكلم مش عايزة أركز في الحاجات دي وأسيب أهلي وشغلي والحاجات المهمة".
دينا الشربيني "بحس إني ضعيفة"
ووصفت دينا خلال حديثها نفسها بأنها ضعيفة وقالت "بيني وبين نفسي بحس إني ضعيفة، قلبي خفيف أوي وبـاثر بسرعة وبحب بسرعة، عندي حاجات جواية عكس بعض، بس في نفس الوقت بكره الضعف، فعشان كدة باجي على نفسي وبتجيلي القوة"، مضيفة "لما بقعد مع نفسي بقول الحمدالله أنا أحسن من ناس كتير والحاجات اللي بحبها موجودة، فلازم أحارب عشان اللي ربنا مدهولي ده أستاهله".
