"زي ما وجها له طلة، صوتها له طلة" هذا ما قالته إسعاد يونس عن شيرين عبد الوهاب التي ستكون ضيفتها قريبًا في برنامجها "صاحبة السعادة" على dmc.
حساب dmc شارك برومو الحلقة عبر حسابه على تويتر، معلقًا " النجمة شيرين عبد الوهاب تعود إلينا من جديد في صاحبة السعادة قريبًا، السهرة دي مش بس غنائية ده احنا هنعرف فيها تفاصيل كتير".
في الحلقة تغني شيرين أشهر أغنياتها التي عرفت بها خلال مشوارها الفني، حيث تداول الجمهور مقطع من غنائها لأغنية "طيبة وجدعة" خلال الحلقة على تويتر. وكان واضحًا أن أجواء عفوية غلبت على حوار شيرين وإسعاد.
يذكر أن شيرين أطلت ليلة رأس السنة الماضية مع إسعاد يونس برفقة بناتها حيث تصدّرت الحلقة وقتها الترند، وكانت شيرين حديث السوشيال ميديا بقصة شعرها وانفصالها عن زوجها حسام حبيب.
شيرين وتعليقها على موضوع حلق الشعر
وبالتأكيد، أعيد فتح نقاش موضوع حلق شعر شيرين عبدالوهاب والذي حصل على أعلى مشاهدات في اليوتيوب من فيديوهات الحلقة.
والواضح من حديث شيرين أنها سعيدة ومعجبة بنفسها للغاية في هذه الفترة التي تتعرض خلالها لمحنة صعبة بعد أزمة انفصالها عن حسام حبيب وقالت بعفوية: "بقيت بغسل دماغي 8 مرات وأنا بستحمى.. ولا أقل أنوثة عن أي ست.. مش بالشعر هي.. ربنا يخليكم ليّا حبكم كان دعم كبير ليا".
كما اعتبرت شيرين أن محنتها كانت أمل بالنسبة لمحاربي السرطان "والموضوع مش بالشعر".
وتابعت شيرين في حديثها أن السيدات يتمتعن بالقوة والصلابة والقدرة على مواجهة الصعاب في الحياة مضيفة: " إحنا كستات جامدين..كل واحدة تتخانق مع جوزها، تحلقله شعرها وتقوله زي شيرين".
ردود الفعل
وعن ردة فعل بناتها، فهي سعيدة بتفهم وتقدير بناتها للموقف "أول حاجة كنت خايفة منها قبل ما اطلع هي البنات وإنهم يتعقدوا ويقولوا إيه ده.. بس طلعوا عيال مكحرتين وبيفهموا ويقدّروا وأكيد مش هيقلدوا ومش عايزين حد يقلد ده.."
أما عن ردة فعل الجمهور فكانت مفاجأة لشيرين "بقيت أبص في عيون الناس مشوفتش حاجة هما منبهرين بيها غيري أنا، مش بشكلي، بسّطوا الموقف عليّ أوي".
شيرين وبناتها
وفي لحظات عفوية مع بناتها ، أصرت شيرين على قياس طولها مع ابنتيها مريم وهنا ، لتكتشف أنهما أطول منها: "الاتنين بقوا أطول منى، أنا مقاس رجلى زاد نمرة بعد ما خلفتهم الاتنين…"
ووجهت مريم رسالة لوالدتها شيرين وقالت :"فخورة بيكي عشان أنت عندك أحسن قلب وبتشتغلي كتير قوي وأنا بحب شغلك".
بينما علقت هنا: "لازم تسيبي السرير ده وتروحي تشتغلي شوية، وتلعبي رياضة عشان إحنا حياتنا نايمة في السرير".
أغنية بتوحشني
ويبدو أن أغنية "بتوحشني" من الاغاني المفضلة لدى شيرين والتي "يؤلمها قلبها" عند سماعها للآن وغنتها في الحلقة معلقة: "هيفضل واحشني لغاية امتى طيب؟"، وهي من كلمات نصر محروس وألحان رياض الهمشري.
كما غنت شيرين "كدة يا قلبي" وقالت: "نفسي أبطل الدموع والنوم، أنا بنام كتير، ممكن يكون حسد ولا طاقة سلبية على شوية عفاريت مصاحباهم في البيت".
أما الملفت في حديث شيرين عبدالوهاب ، كان ردها على سؤال "من تختار لتخرج وتقضي يوما معه لو أمامها آسر ياسين وظافر العابدين وبراد بيت"، والتي أجابت شيرين "مع براد بيت عشان هو مش هيفهم حاجة وأخليه يقعد يغازلني وممكن نرقص مع بعض رقصة سلو وبعدها الواحد ممكن يقابل ربنا".
