قصص مخيفة للنجوم مع العالم الآخر وظهور "العفاريت"

ET بالعربي | 13 مارس 2022
قصص مخيفة للنجوم مع العالم الآخر وظهور "العفاريت"

قصص مخيفة للنجوم مع العالم الآخر وظهور "العفاريت"

يبدو أن قصص ظهور الأشباح أو "العفاريت" كما يطلق عليهم البعض في حياة بعض النجوم مستمرة، حيث يكشفون عن أحداث غريبة تحصل معهم، ومواقف معينة لها علاقة بالعالم الآخر.

فكشفت حورية فرغلي، خلال لقائها في برنامج "حبر سري"، عن وجود ولد وبنت من العالم الآخر في المنزل معها، حيث قالت "أنا عندي في البيت بنت وولد من العالم الآخر وبشوفهم على طول، ما منتكلمش مع بعض بس هما بيهزروا معايا كتير بيخبطوا على الباب بيفتحوا الباب"، وأضافت "دايماً بشوف البنت قاعدة على السفرة وشعرها زي شعري كاريه زغنطوطة كده، والولد بشورت وفانلة يعني تقريباً نفس السن هما التنين وشكلهم very nice بيشبهونا".

وأكدت قارئة التاروت لـ حورية فرغلي، خلال لقائها في "حبر سري"، أن سبب وجود الولد والبنت معها من العالم الآخر هو أشخاص قاموا بشيء كالتسليط عليها لوقف بعض الأمور التي تخصها، لترد حورية "بس هما مش مؤذيين خالص".

قصة حورية فرغلي، التي روتها أعادت للجمهور القصة التي تحدثت عنها شيرين عبدالوهاب، خلال ظهورها في "صاحبة السعادة" مع إسعاد يونس، ليلة رأس السنة، حيث كشفت حينها "الحاجة تبقى قدام عيني وفجأة تبقى مش موجودة، أبتدي أرحب بيهم وأقعدهم وأطلبلهم حاجة يشربوها الحاجة تظهر تاني"، وأضافت شيرين "دايماً بقولوهم إنتو حبايبي والله أنا أقل بكتير من إني أعاندكم، وأول ما بقول كده يجيبولي الحاجة على طول،  مثلاً أسمع حاجة بتناديلي أقول حاضر جاية أهو أنا مخافش".

كلام شيرين عبدالوهاب، عن "العفاريت"، جعل إسعاد يونس تشارك قصصها أيضاً مع هذا الموضوع، حيث قالت "أنا مبخافش كمان يعني هما بيخبوا الحاجة في أوقات غير طبيعية يعني مثلاً الشامبو في عز ما الواحد في الدوش، أو مثلاً بطبخ ومبلاقيش الحاجة كمان".

ومن النجوم الذين كشفوا عن قصصهم مع "العفاريت"، أمير كرارة خلال لقائه مع وفاء الكيلاني على MBC في برنامج "تخاريف"، حيث قال "قابلت عفريت في حياتي، يعني محدش عارف شكلو إيه وماشفتوش، بس حصلي إني إضربت بشاكوش في شارع جمب بيتنا إحنا منسمي شارع الوحوش علشان كله ضلمة وفي مشرحة ولما كنا صغيرين كنا منصرخ لما نمر بيه، ومن حوالي 15 أو 16 سنة، قلت لازم أرجع أشوف الشارع ده وأفتكر الأيام، وأنا ماشي حسيت حد بيمشي ورايا ولما ألف مالاقيش حد، وبعدين لقيت حاجة بتنزل على راسي وبتخبطني ودخلت المستشفى".

مها أحمد روت ضمن برنامج "الحياة حلوة" عن حدوث أشياء غريبة لها أثناء وجودها في شقة بالإسكندرية أثناء عرض مسرحية "حلو الكلام"، قائلة: "أخدت الشقة وأول ما دخلت لقيت النور بيطفي وينور.. واتضح أن الشقة دي كان فيها راجل متجوز واحدة وعنده 4 عيال اكتشف إنهم مش ولاده، وقتلها وقتل العيال والشقة دي بتتأجرعادي".

ومن القصص المشهورة هي التي روتها الراحلة مها أبوعوف عن أن والدتها كانت ترغب في شراء فيلا "سلفادور شيكوريل" الموجودة في منطقة الرمل بمدينة الإسكندرية، وبالفعل تمكن والدها من شراء الفيلا على مسؤوليتهم الخاصة، رغم أنها "متشمعة"، وخلال لقائها في برنامج "أنا وبنتي" على ON، قالت مها "كان خالي عايش معانا ولما كان في غرفة المكتب بيقرا كتب، تعب وطفى النور ونام على المكتب، وبدأ يسمع أصوات طقطقة على الأرضية، ولما رفع راسه شاف راجل أسود بشعر أبيض وعينين بارزتين عن وجهه، ولابس هدوم  تشبه القساوسة، فتعرض لصدمة قوية".