مفاجأة لافتة من كريم محمود عبد العزيز لزوجته آن الرفاعي، خلال استضافتها في برنامج هي وبس مع رضوى الشربيني، عبر مداخلة هاتفية أثناء عرض أحدث براند أزيائها، حيث حرص على توجيه رسالة دعم وحب لها.
وقال كريم محمود عبد العزيز في مداخلته:"شجعتها عشان بقيت أحب الست لما بتشتغل، كان زمان مش مدرك الحاجة دي، بس مع الوقت بقيت مدرك إن الست يكون ليها شغلها الخاص وتبدع فيه، وبقيت أحترم الحتة دي كمان".
وأضاف:" إحنا بناخد رأي بعض في أي حاجة سواء في شغلي أو شغلها، محدش فينا بيكدب على التاني، وعايز أقولها بحبك وإن شاء الله المشروع يكسر الدنيا أكتر وأكتر ونوصل للعالمية".
وجاءت هذه المداخلة بعد تداول شائعات عديدة في الفترة الأخيرة حول علاقتهما، ليؤكد كريم من خلال ظهوره المفاجئ على قوة العلاقة والدعم المتبادل بينهما، وكان نشر صورة تجمعهم منذ أيام قليلة ماضية عبر حسابه على إنستقرام، وعلق عليها "بحبك"
