تعرضت ملك أحمد زاهر خلال الأيام الماضية لأزمة صحية مفاجئة، استدعت دخولها إلى المستشفى وخضوعها لعدد من الفحوصات الطبية الدقيقة، ما أثار قلق جمهورها ومتابعيها.
وكشفت ملك عن تفاصيل حالتها الصحية عبر حسابها الرسمي على "إنستقرام"، حيث أوضحت أنها لم تكن تتوقع ردود الفعل الواسعة بعد إعلانها عن الأزمة، قائلة:"أنا والله ما كنت متوقعة كل اللي حاصل ده، أنا لما حبيت أشارك حالتي الصحية كان عشان كنت مخضوضة جدًا على نفسي، وفكرة إن لا أنا ولا الدكاترة عارفين أنا عندي إيه كانت مرعبة بالنسبة لي."
وأضافت: "الموضوع مش للقلق، أنا كويسة والحمد لله أحسن من غيري، وعندي يقين في ربنا إنه هيقومني بالسلامة، وإن شاء الله تكون حاجة بسيطة، أنا كتبت من خضتي بس، لأن مش طبيعتي أشارك الحاجات السلبية."
ووجهت ملك رسالة شكر لكل من سأل عنها واطمأن عليها، قائلة:"من قلبي بشكر كل حد سأل عليا ودعالي، والله كله كان بيوصلني.. الحمد لله إنها جت على قد كده، وأكيد ربنا حماني من حاجة أكبر."
واختتمت منشورها بالكشف عن التشخيص الطبي لحالتها، حيث تبين أنها تعاني من حساسية شديدة في الدم، مؤكدة أنها تتلقى العلاج اللازم وتشعر بتحسن تدريجي:"أنا متطمنة، وبخف وبتحسن كل يوم الحمد لله، ومفيش حاجة خطيرة بإذن الله، وآسفة لو كنت قلقتكم.. بس ده مكانش الغرض أبدًا، شكرًا من كل قلبي على الحب ده."
شاهد تقرير سابق: ارتباط ليلى أحمد زاهر كان أصعب يوم في حياة والدها
