مازالت أخبار يوسف عمر نجل المخرج محمد عمر والفنانة لبنى ونس متصدرة الترند في مصر بعد تعرضه لعدد كبير من الإصابات أثناء تصويره إعلان لعبة "free fire" نتيجة إنفجار قنبلة دون تأمينه جيدًا، مما جعل الجميع على السوشيال ميديا يستاء من الموقف وينتقد محمد رمضان ومصمم الخدع عصام الوريث لعدم تأمين يوسف.
وهاجمت لبنى ونس محمد رمضان والقائمين على الإعلان على السوشيال ميديا فكتبت: "إذا عملنا كل حاجة طبيعيه وحقيقية كنا هَلَكنا ،ولاتُلقوابأيديكم إلى التهلُكه. يعنى إذا فى مشهد يا أستاذ محمد التمساح بياكلك نترحم عليك ويبقى آخر مشهد فى حياتك تعلمنا مهنة التمثيل على يد عظماء التمثيل ولم يُطلق عليهم هذه الكلمة المزعومة،،النجم،،والنجمة،، فى مهنتنا يا أستاذ محمد رمضان وانت وانا وكلنا عارفين إن مايسمى بالنجم إستغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله،هل ممكن تتعرض لما حدث لأبنى فى التصوير معاك،مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللى عاجبك بتوافق عليه واللى مش عاجبك بتغيره على هواك ماحدش بيفرض عليك حاجة ،،يعنى القنبلة اللى زرعها عصام الوريث لأبنى تحت منه ومن غير ما يقوله ولا حتى يلبسوا واقى يقدر يعمل معاك كدة ليه؟!!!!أنت بنى آدم وآبنى مش بنى آدم أنت أغلى الناس عند والدتك ويوسف نن عينى ومافيش أغلى من الضنا حط إبنك مكان يوسف هاتقول برضه كله فى حبكم يهون بس أرجع واقولك أبنى ربنا هايجبله حقه من اللى أسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعيه المزعومة الغلط اللى حضرتك بتتكلم عنها حق أبنى إن شاءالله هايرجعله مش هاسيبه عشان يبطل سى الوريث دة أنه يستهين بحياه الناس،،سؤال بقى لما نموت سيادةالنجم هايندفن فين ؟؟؟؟؟الديان والعدل والحق موجود وأعتمدنا عليك يارب".
